Көтчнр селәнә урн һарта Лариса Бураеван гериг олн-зүсн ке-сәәхн кегдлмүд кеерүлжәнә
Көтчнр селәнд бәәх урн һарта күүкд күн Лариса Бураеван гериг олн-зүсн ке-сәәхн кегдлмүд кеерүлжәнә, тер тоод олн-зүсн шовуд, дельфинмуд, цецгүд йоста кеерүл болжана. Хатхмр эрдмиг бчикн цагасн авн дасж авч. Ода ачта амрлһнд һархларн, сул цаг дала болад, дурта эрдмдән ик оньган тусхадг болв. Урн һарта күүкн күүнә герт гиичд мана үүдәгч баг одв.
Ларисан келсәр, олн-зүсн шовуд, цецгүд хатхад үзүлхлә, байрта болна, миисин кичгүдт дуртав. Эн миисин кичгин нүдиг кесгтән кех кергтә болв.
Көтчнр селәнд бәәх урн һарта Лариса Бураеван келсәр, эврәннь һаран кесн кегдлмүдин элгн-садндан, өөрхн улстан болн нәәмжртән белглв. Лариса Бураеван келсәр, хөрн зург белглв. Хүрмд белг гиж, өөрхн улсиннь һарсн өдрлә ирлцүлж белг кедг авьяс тогтв.З әрмдән нәәж күүкдт гиичд одхларн, эврән һарар кесн белг күргж өгнә.
Урн һарин эрдмәр тавн жил хооран пенсьт һархларн йостаһар көдлдг болв. Эн күүкд күн эврә хатхмрин эв-арһ олзлж үүдәврмүдән кеж һарһна. Энүнд тоолврар, кирсләд хатхмр кехлә шулун болна. Нег зургиг нег сардан кеж чадна. Жилдән арвн иим зург хатхж болх. Лариса Бураеван келсәр, экиннь д күүкн иим урн һарта бәәж. Хатмхриг дегд сәәхн кевәр кедг билә. Ларисад иим эрдм дасхж өгч. Дурта эрдмәрн көдлхлә, чееж сергнә, седкл төвкннә. Аштнь ке-сәәхн кегдлмүд һарч ирхлә, седкл байрлна гиж Лариса келнә.
Келхд, урн һарин эрдм Ларисад кесг дәкж нөкд болв. Урднь магазидт ке-сәәхн дурта хувц-хунр уга цагт, эврәннь хуучн бишмүдән болн нәәжнр күүкдиннь хувциг хатхмрар кеерүлдг бәәсмн.лайф тер цагт иим кеәвр хатхмрар кеерүлсн хувциг олн улс дурлж өмдсг билә. Джинсан олн-зүсн кевәр кеерүлдг бәәсмн.Бийдән болн өөрхн улстан хатмхр кеһәд өгхлә, байрта болна.
Түрүн болж билгтә эрдмч Лариса Бураева ширән девскр кеж һарһла. Энүг кехин төлә зург бүкл жилдән кеж. Ода сәәхн ши рән деувскр делгәд, гиичнриг тоона. Көвүн болн күүкән өскәд кү кев, ода ачнр-зеенрнь энүг байрлужана. Шин жилин байрт эрк биш хамдан цугрлад, нәәрлх. Нег үлү, январь сард дәкәд нег ач һархмн. Энүнд эрк биш ке-сәәхн хатхмр нерәдх саната.
Татьяна Зубцова, Хулхачин Николай
