Сурһульчнрин олимпиад болжана

Сурһульчнрин цугәрәсән олимпиадын региональн девснг эклв. Энүнд танһчин цуг райодын нег минһн көвүн-күүкн орлцх. Эдн хөрн негн сурһулин предметар медрлән үзүлх, тер тоод экономикин, технологин, билг-эрдмин болн талдан чигн предметмудар дөрлдх. Марһана йовудыг хөрн дөврн үлмә уга бүрткәч шинжлж хәләх.

Элстин лицейин арвдгч классин сурһульч Гиляна-Нина Даржинова англь келнә цугәрәсән олимпиадын региональн девснгд хойрдад орлцжана. Күүкнә келсәр, һазадын орна кел дасхлһнд дала цаг тусхана. Тегәд олимпиадт диилвр бәрх саната.

Элстин лицейин арвдгч классин сурһульч Гиляна-Нина Даржинован келсәр, олимпиадт белдхд дала цаг кергтә. Школд хоршасн медрл бас кергтә болна. Дала дегтр умшх кергтә, англь кел сонсхла сән болна.

Энүнлә дөрлджәх Иляна Гаряеван келсәр, марһанд өгсн даалһвр бичкдүдт уха тунһаж, гүн медрл хоршахд туслна. Олимпиадт белдвр кесн цагт кичләмдүт авсн медрлиг батрулхд сән нилчән күргнә.

Цаһан Амн селәнә гимназин арвдгч классин сурһульч Иляна Гаряеван келсәр, һазадын орна кел дасжах бичкдүд олн материал чеежәр медх зөвтә. Англь келәр соньмсхла сән күцәмж бәрж болх.

Олимпиадын йовудт танһчин нег минһн зун көвүн-күүкн хөрн негн сурһулин предметар эврәннь медрлән үзүлх. Энүнә өмн эдн школдан болн эврәннь районд болсн шүүврин марһанд орлцад, хамгин олн балл хоршасмн. Тегәд чигн эднә багшнр сурһульчнрнь сән үзмж бәрх гиж нәәлжәнә.

Артезиан селәнә школын англь келнә багш Гиялна Нимкееван келсәр, жил ирәвс олимпиадын даалһвр күндрәд йовна. Тегәд эн жил даалһвр бас күнд болв. Ода бичкдүд анль келн кергтә гиж тоолжана. Тегәд эдн гүүнәр һазадын орна кел дасжана.

Тогтсн авьясар олимпиад байрин бәәдлд Хальмгин университет секгдв. Эн жиләс авн марһанд олна бүртклһнә институт орулгджана. Үлмә уга хөрн дөрвн бүрткәч олимпиадын цуг зокал күцәлһиг бүрткж хәләх.

Хальмг танһчин эрдм-сурһулин министрин дарук Ирина Кавкишеван келсәр, олимпиад болсн хораст бүрткәчнр бәәнә. Эдн олимпиадын йовудыг бүрткж хәләжәнә. Эдн марһана бүрдәһәчнр болсн деерән, бүрткәчнр болж көдлжәнә. Марһанд орлцжах көвүд-күүкд цуһар әдл таалд көдлх зөвтә.

Цугәрәсән олимпиадын региональн девснг февралин йисн күртл болх. Энүнд диилвр бәрсн сурһульчнр Хальмг танһчин нер товчлгч марһанд харсх. Келхд, мана танһчин көвүд-күүкд цугәрәсән олимпиадын ашар дииләчнрин болн призермудын тоод орна.

Елена Алексенко, Хавтхна Анатолий