Хальмг танһчд арвн хонг болад олимпийск һал ирх

Арвн хонг болад олимпийск һал Хальмг танһчд ирх. Олимпийк һал январин хөрн тавнд Ставрополь балһснас поездар Элст балһснд ирхмн. Эндр Хальмгин правительствин ахлач Игорь Зотов олимпийск һал тосж авлһна төрәр үүлджәх көдлмшч багла селвлцә кев. Һал тосж авлһана цуг белдврин көдмш январин арвн нәәмнд төгсх зөвтә. Январин хөрн негнд Олимпийск эстафет бүрдәжәх бүрдәмжин комитетин авангардн баг Элст балһснд ирх зөвтә. Селвлцәнә йовудт министерствсин элчнр, Элст балһсна болн Яшкульск района администрацин һардачнр тооца кев. Белдврин ик көдлмш кех кергтә. Тер тоод хаалһс ясх, урһа мод керчх, светоформуд сольх болн талдан чигн көдлмш кех кергтә. Манһдур эн төрәр иим селвлцән Яшкуль селәнд болх.