Олимпийск һал авч йовх улс дунд Марина Анфимова йовна

Артистнр, политикүд болн спортсменмүд. Танһчин хамгин тоомсрта улс олимпийск һал авч йовх. Эн ик чинртә керг-үүлдврт нарта-делкән спортын мастер Марина Анфимова бас орлцх. Мана үүдәгч баг энүнлә харһад күүндв. Олимпийск һал Элст балһснд йисн хонг болад ирх. Энүг тосж авлһна сүл белдврин көдлмш кегджәнә.

Олимпийск һал Хальмг танһчд тосж авлһнд тохнята белдвр кегджән. Эн саамд Марина Анфимова болхла урдк кевәрн көдлмшән күцәжәнә. Маринан келсәр, дегд икәр үүмх керг уга. Нарта-делкән спортын мастер, нарта-делкән Кубокин цаһан мөнгн медаль зүүһәч, Әрәсән кесг дам чемпионк. Марина Анфимова олимпийск һал авч йовх улсин тоод орснь өвәрц биш. Эн керг йир дааврта гиж спортсменк тоолжана.

Каратэһар нарта-делкән спортын мастер Марина Анфимован келсәр, олимпийск һал авч йовхин тускар энүнд Москваһас бичг ирсн бәәж. Ик байрта болн бахмжта бәәнә. ээж болхларн эврәннь ачнр-зеенртән олимпиадын һал авч йовсна тускар келж өгх саната. Эдн ээжәрн бахмж кех гиж санжана.

Марина арвн хйор настадан каратэн секцд ирв. Энүнә өмн Марина талдан күүкдлә әдл негдгч тойгта Лаганя школд көдлжәсн олн-зүсн секцд оржасмн. Болв каратэ эн күүкнә бәәдл-жирһл сольв. Ода кесг жил давсн хөөн бичкн цагтан дурлсн спорт энүнә жирһлин эрдмд хүврв гиж Анфимова келнә. Түрүн медалян йирн доладгч жилд Москван чемпионатд шүүж авч. Тер цагт Марина Москван биотехнологин государственн университетд бухгалтерин эрдм дасжасмн. Өдр болһн гилтә спортын секцд көдлсн бийнь, Марина деед сурһулян төгсәһәд, эрдмтә болв. Царицынск махна комбинатд күч-көлснә дамшлт хоршасмн. Энүнд көдлх үрвр кегдв. Болв спортд дуран өгсн күүкн талдан хаалһар йовхар шиидв. Ода бәрсн күцәмжән цаарандан чигн батрулх саната. Каратэн бичкдүдин спортивн цутхлнг бәрх зура бәәнә. Энүнә шүүж авсн мөрән мөнгнә өрәлнь олзлгдв. Дәкәд нег тодлад келхлә, жирлһин күнд бәәдлд туссн бичкдүдиг дөннхин төлә синкокусинкай федерацин региональн олна организац күсдундур сай арлснг йилһж өгсн билә.

Марина Анфимован келсәр, дурта эрдмәрн көдлжәнә. көдлмш таасгджана. Йилһж өгсн мөнгәр цуг керг-үүлдврмүд бүрдәж давулжана. Бичкдүдин спортивн школ бәрхин төлә доладгч микрорайонд һазр йилһж өгв. Түрүн мөнгинь эдн орулж өгх, хөөннь өгья мөнг авад, герин ул бәрх зура бәәнә.

Олимпийск һал тосж авлһна генеральн репетиц Яшкуль селәнд болх. Олимпиадын һал авч улсин тоод орсна тускар Марина Анфимова эврәннь сурһульчнртан зәнглв. Бичкдүдин тоолврар, иим зөв энүнд өгснь чик шиидвр.

Эн күүкнә келсәр, бидн цугтан икәр байрлжанавидн. Мана хамгин дурта багш. Эн көвүнә келсәр, эннь ик чинртә керг. Эднә багшд иим күндтә зөв өгснд цуһар байрта бәәнә. Каратэһар һурвн жилдән көдлжәнә. Олимпиадын һал авч йовх зөв күндтә багшд өгснь сән зәнг болв гиж эн көвүн келнә. Энүнә төлә икәр байрлжана. Хамгин сән багш болжана. Олимпийск һал авч йовх зөв күндтә күүнд дааһлгдв гиж эн көвүн келв.

Олмпийск һал тосж авсна хөөн, Марина Анфиомова өмнән тәвсн күцлдән экр биш күрх саната. Тер мет эврәннь өрк-бүлдән, авальдан болн күүкндән ик оньган тусхах зурата. Хойрдгч үрән һарһад, авалян баурлух кергтә гиж эн келнә.

Батан Санжирма, Очра Сергей