Хальмг улсин нүүдлин бәәц. Иим нерәдлһтә Элст балһсна һәәхүл Әәдрхн балһсна Кремльд секгдв. Эн экспозиц Астраханск музей-заповедникин болн Пальмовин нертә келн-улсинм узейин хамцу программар бүрдәж давулгджана.Алдр теегин нүүдлин сойл авьяс.

Иргч амрлһна өдрмүдт анһучнр хаврин анһучлһнд һарч йовж чадх. Хальмг танһчд эн кем мартын арвн тавнас авн эклжәнә. Болв анһучлж авлһна кемжән чанһ неквртә болв.

Үвлин кем төгсв. Ода селәнә эдл-ахун предприятьмуд хаврин тәрәнә көдлмшт белдвр кежәнә. Эдн трактормуд ясж белджәнә, талдан чигн техник ясжана. Тенгрин бәәдл ясрхла эдн кеер һарад тәрәнә көдлмш кехдән белн.

Иргч өдрмүдт Хальмг танһчин цутхлнг райодт мана региона аһуд тогтсн циклон эврәннь үлмәһән күргх. Элст балһснд болн Целинн районд синоптикүдин тааврар цасн орх, асхлад баһ саһар хур орх.

“Жанһрин ачнр” нертә спортивн клуб дорд үзгин бөк бәрлдлһнә спотрд дурта улсин хамгин дурта бәәрн болжана. Энүнд Москва балһснд бәәх хальмгуд ирж цогц-махмудан батрулна.

Хальмг танһчин толһач Алексей Орлов мана телекомпаньд интервью өгв. Энүнд танһчин социальн болн экономическ төрмүдәр күүндвр кегдв. Күүндврт энергетикин халхар социальн кемжә орулһна төр босхгдв.

Хальмг танһчд хойр минһн арвн доладгч жил күртл дәкд тавн олн халхта цутхлнг секх зура бәәнә. Городовиковск балһсна улс иим цутхлнгин көдлмшиг таасжана.

Үвл эврәннь зөвән геехәр седжәхш бәәдлтә. Давсн өдр элвгәр орсн цасн жолачнрт ик боомтг учрав. Элстин хаалһст олн машид зогсв. Хамгин олн автомобильмуд негдгч микрорайонд цуглрв.

Хальмгин танһчин боксин команд дәкәд нег алтн медаль шүүж авв. Ут-тоодан мана танһчин спортменмүд уйн наста боксермуд дунд болжах Өмн үзгин федеральн округин марһанд һурвн алтн медаль шүүж авв.

Баснга Баатрин нертә келн-улсин театрт шин наад удл уга хәләж болх. Энүг Хальмг танһчин хәләһәчнр сәәнәр меддг Марий-Эл республикас ирсн режиссер Василий Пектеев белдж тәвжәнә.

Күүкд күн болһна хамгин сергмжтә байр Мартын нәәмн өөрдж йовна. Ода Элст балһсна әмтн ямаран белг белдхин тускар ухалжана.

Арһлачнр болн нерән, машиһан хулдсн улс болн нерән нәәмдлһнә өгсн әмтн балһсна авлна инспекцд алвна декларац орулж өгх зөвтә.

Эн долан хонгт Әрәсән балһсдт олн улс орлцата митингуд болжана. Энүнд Украинд бәәх орс болн украин келн-улсиг дөннлһнә төрәр хургуд болжана.

Машидын зогсалын төр ода ик балһсдын биш, бичкн балһсдын хурц төр болжана. Автомобильмуд зогсагдг һазр уга болад цүүгән һарчана.

Эн өдрмүдт Элст балһснд уйн наста спортсменмүд дунд боксар Өмн үзгин федеральн округин марһан болжана. Энүнд арвн зурһан —арвн долан наста боксермуд дииләчн йилһжәнә.