МЧС-ин көдләчнр сурһульчнрт лекц умшв

МЧС-ин көдләчнр орсин келн-улсин гимназьд эклц класст әәмшг уга бәәлһнә кичәл бүрдәж давулв. Бичякн көвүд-күүкд түүмрәс яһж саглулхин тускар МЧС-ин көдләчнр цәәлһж өгв. Эднд цәәлһвр амр кевәр кегдж, бичкдүдт медүлх төр тәвгдв. Тегәд чигн цуг сурһульчнр ик оньган өгч цәәлһвр сонсв.

Түүмрәс саглулһна туск лекциг сурһульчнр ик оньган өгч сонсв. Энүнә хөөн көвүд-күүкд сурврмудт хәрү өгәд, хоорндан ухан-тоолврарн хувалцв. Зәрм бичкдүд эврәннь нүдәрн үзсн түүмрин тускар келж өгв. Бачм чинртә йовдлд яһж бийән бәрхин тускар көвүд-күүкдт сурһулин мультфильм үзүлв. Энүг хәләсн хөөн сурһульчнр уха тунһаж, бийдән ашлвр кев.

Эн көвүнә келсәр, кемрг герт электроприбормуд хәләвр угаһар көдлхлә, һал орх әәмшг бәәнә. Эн көвүнә келсәр, кемр догшн салькн көдлхлә, энүнәс холд һарх кергтә, уулын ард бултхла сән болх. Эн күүкнә темдглсәр, кемр эк-эцк гертә уга болхла, бичкдүдиг хәләж, эдн һал орулхас саглулх кергтә.

МЧС-ин көдләчиг хазгудын хойрдгч классин сурһульчнр ик оньган өгч сонсв. Энүнә хөөн эдн кесг сурврмуд өгәд, хәрү авцхав. МЧС-ин көдләчнрин иим керг-үүлдврин һол күцлнь — бачм чинртә йовдлд ямаран һол үүлдвр күцәхин туск, лекцин йовудт хоршасн медрлиг яһж олзлх туск төрмүд хаһлжана. Иим кичәл энүнә ил герч болв. Энүнд сурһульчнр шунмһа кевәр орлцад, кергтә медрл хоршав.

Хальмг танһчар МЧС-ин әнгин инспектор Ирина Обушиеван келсәр, бачм чинртә йовдлд бичкдүд яһж бийән бәрхин тускар медхлә, эдн бийән харсж авсн деерән, герин зөөрән харсж чадх.

Хойрдгч классин һардач Валентина Киевская келсәр, кичәлин һол күцлнь — бачм чинртә йовдлд бичкдүд чик үүлдвр күцәж, иим зеткртә йовдлас саглх дамшлт хоршав. Кемр көвүд-күүкдт иим зеткртә йовдл учрхла, хамгин түрүнд үүмх керг уга, кичәлд авсн медрлиг олзлх кергтә болжана.

Орсин келн-улсин гимназин багш Валентина Киевская келсәр, иим кичәлмүд бичкдүдт йир олз-туста болна. Энүг дару-дарунь бүрдәж давулх кергтә. Кичәлин йовудт сурһульчнр сән медрл авч чадв, шин тоот медж авв.

Иим керг-үүлдврмүд сурһульчнрт олз-туста болна гиж багшнр болн МЧС-ин көдләчнр тоолжана. Тегәд чигн иим кичәлмүд хотл балсһсна талдан чигн сурһулин заведеньд бас болх.

Ээнән Делгр, Эрнжәнә Эрднь