Эндр өдр орс шажна улсин Масленица нәр эклв. Эн байрин өдрмүд февраль сарин хөрн зурһан күртл болхмн. Эн өдрмүдт эдн олар блины шарна, эдн эн хотан нарнла ирлцүлнә.

Баһчуд — мана иргч бидн дангин келнәвидн. Жил болһн билгтә баһчудын төлә шишлн семинар бүрдәгднә. Лагань балһснд болсн семинарт орлцсн баһчуд хоорндан сүв селвгәрн, хоршаж авсн дамшлтарн хувалцв.

Элст балһсна захт бәәх әмтн олн жилмүдин эргцд көк түлә, электрокүчн, йовдг хату девскртә хаалһ уга бәәнә.

Элст балһсна 17 тойгта школын уул деер Афганистанд болсн дәәнд цергәд йовсн әмнәсн хаһцсн Сергей Громовин санлд нерәдгдсн мини футболн турнир болжана.

Музран Валентина олн үртә орк-бүлд төрж һарсмн. Ямр чигн нәр-байр темдгхләрн гернь гиичнрәрн, элгн садарн дүүрн билә.

Эндр Танһчд Әрәсән Президентин сунһврин өмн өргнд сунһлһна участкс полицин көдләчнр бүртклһнә көдлмш кежәнә. Келхд, иим керг үүлдвр март сарин дөрвн күртл күцәгдхм.

Эндр өдр хаалһ һатлад хойр ачнр-зеенрән дахулж көтлсн медәтә күүкд күүг маши дәврв.

Кезәнәһә отг-әәмг болһн эврә хурлта бәәсмн. Сарпинк района Аршань-Зельмн селәнә Ик хурл олн әмтнә цуглурсн мөнгәр минһн йисн зун йирн тавдгч жилд секгдв.

Өвкнрин кезәнә келгдсн эн цецн үгмүд дигтә эврәннь йирн насна өөнән темдглсн РСФСР-ин сурһуль эрдмин гегәрлтин йилһән сән көдләч, хальмг багш Нәмн Джавакаевна Гаряевнан келж болх.

Талдан балһсдур әмтиг зөөдг «Транс-тур» фирмин автобус Тамбовск областин хаалһд аца зөөдг машинлә цокгдв. ГИБДД-н көдләчнрин зәнглсәр энүнә ашт олн зүсн шав авсн улст медицинск көдләчнр дөнгән күргв.

Эн жил Көтчнрә района Чкаловский селәнә бәәрн әмтн бәәх хуучн интернатын бәәриг ясвр кеһәд бичкдүдин сад секхәр саната.

Артезиан селәнә больниц һучн жил хооран тосхгдсн болв чигн эндр өдр тер кевәрн көдлнә. Хар һазра районд бәәх әмтн эн эмнүллин учрежденьд ирж дөн авчана.

Эн өдрмүдт Хальмгин ик сурһуль эврәннь оютнртан шишлг мастер-классмуд бүрдәв. Энүнд Элст балһсна багшнр баһчудла дамшлтарн хувалцжана. Сарин туршарт тиим олз-туста сурһульд һурвн минһн шаху оютнр орлцж чадх.

Эндр бичкдүдин гүулгн гем өмнәс ноолда келлһнә өдр. Сүл жилмүдт эн гемәр гемтчах улсин тоод бичкдүд бас оржана.

Эндр Афганистанас церг һарһсна хөрн һурвн жилин өөнд нерәдгдсн тенд дәәлдсн цергчнрин керг үүлдвр болв. Советск Союзин церг тенд йисн жилдән бәәв.