Элст балһсна зарһ һурвдгч микрорайонд бәәх мах хулдг делгүрин көдлмшиг зогсав. Мах хулдг делгүриг Роспотребнадзор шиидврәр хаагдв. Хамгин түрүнд энүнд бузр, хог богта хорад мах хулгдла.

«Хальмгин хаадудын бичгүд болн хальмг олн әмтнә сойлын дурсхл» гисн төрәр Филолог номин доктор Данара Сусеева хальмгин ик сурһулин багшнрт болн оютнрт лекц умшв.

Цөн өдр болад хавр ирх, цасн хәәләд, киитн номһрад дулан өдрмүд ирхмн. Болв заһчнрт дулан керго болжана, эн өдрмүдт Яшкульск района Бузга нертә нуурт заһчнрин марһан болв.

Элст балһсна ар үзгт бәәх Салын нертә поселкин улс кесг жилдән көк түлә уга бәәнә. Эн хурц төрин тускар селәнә әмтн мәрийн көдләчнрт кесг эрлһ бичв.

Эн өдрмүдт полицин көдләчнрин хоорнд спортивн марһан болжана. Энүнд хөрн команд орлцжана. Марhанд йовудт полицин көдләчнр чидлән, мергн хадган, шамдhаhан үзүлжәнә. Канат татлhнд Танhчас хойр зун полицин көдләчнр орв.

Эн өдрмүдт баhчудн командын болн олн әмтнә спортивн организацын хоорнд футбольн турнир болв. Баһчудын төлә эн керг-үүлдвриг Купол нертә спортивн администрацин көдләчнр болн танһчин баhчудын цутхлн бүрдәв.

Урд жилмүдт орс улсин масленица байриг хамгин шогта нәр наад гиж тоолдг билә.

2012 жилд федеральн программин мөнгәр хуучн, нурад унжах Танhчин школмудт ясврин көдлмш цааранднь давулгдх. Эн жилд эн программд Лагань балһсна эрмдгтә бичкдүдин школ орв.

Пальмовин нертә музейд түрүн болж офицермудын бал болв. Эн керг үүлдвр залу улсин өдрин өмн өргнд бүрдәж давулв. Ке сәәхн заалд костюм өмссн офицермүд вальс би биилв.

Мана өвкнр Цаһан Сарин байран яһж темдгснь хальмгин деед сурһулин оютнр үзүлв. Кезәнә яһж эн байрт белдвр кеһәд, ямаран хот-хол эдлдгнь тускар оютнр үзүлв.

Цуг өөрдж йовх байрмүдын өмн өргнд Доржин Санж-hәрән нер зүүжәх бичкдүдин көгжмин школын билгтнр эк-эцкнртән нерәдж соньн концерт тәвсмн. Эн байрта керг-үүлдвр Родина нертә цутхлнгд давв.

Төрскн келндән нерәдгдсн акц Элст балһсна школмудын сурһульчнр Арбат нертә талвнгд «Хоорндан зуг хальмгар күүндхмн» гисн күслтәһәр эн керг-үүлдвриг бүрдәв.

Эндр төрскн келнә нарта-делкән өдр. Эн өдр арвн хойр жил хооран келнә болн сойлын туст дөн күрглһнә төлә экләд темдглддг болв.

Залу улсин байрин өмн өргнд Танһчин школ болһнд олн-зүсн керг-үүлдрмүд давна.

«Тоһруна дун», «Цецгин канкнсн үнр», «Өрүн тег» эн болн талдан зургудын һәәхүл Ользятин Сергей эврәннь өөнләннь ирлцүлж бүрдәв. hәәхүлиг эн өдрмүдт күн болһн һәәхч чаджана.