Эндр Хальмг танһчин толһач Алексей Орлов нарта-делкән чемпион Бату Хасиковла харһлт кев. Хальмгин һардач Алексей Орловд апрелин хөрн нәәмнд болх ноолданд шишлнг үрвр кехәр Бату Хасиков Элст балһснд ирсмн.

Эндр Хальмг танһчин прокуратурт пресс-конференц болв. Журналистнрин сурврмудт бүкл частан хальмгин прокурор Сергей Табельский хәрү өгв. Ода хальмг танһчд темдглж авгдсн зака эвдсн йовдлмудын то ик.

Элстин хаалһд эндр учрсн нег зеткртә йовдл болва.

Өдгә цагт хальмг кел дасхлһнд онц оньг өггджәнә. Мана танһчд кесг керг-үүлдврмүд, харһлтс, номин сүүр давулна, эрдм-сурһулин программс бүрдәгдсн бәәнә. Шидр Хальмгин ик сурһулин номтнр хальмг келнә дегтр барас һарһв.

Йисн өдр Сарпинск района Шарнут селәнә сурһульчнр школдан дав зуур сурчахш. Ода школын классмудт дегд киитн, нег эклц классмудын бичкдүд даарна. Ода классмудын хораст арвн градус дулан.

Эндр Әрәсәд дәәнә цагт дөчн һурвдгч жилд Сталинградск дәәлдәнд немшнрин церг күүчснә өдр — цергә туурмжин өдр темдглгджәнә.

Иим ик киитн таалд танһчин зәрм эдл-ахус малан кеер һарһлго, хашан һаза хот өгчәнә. Танһчин дорд үзгин райодт болхла олна мал кеер идшлжәнә.

Элст балһснд сурһульчнрин дөрвдгч олимпиад эклв. Эн жил болһн болдг марһанд дөрвн зу һар танһчин райодын болн хотл балһсна сурһульчнр орлцжана. Дөрлдәнә тускар тодрхаһар мана сюжетд келгджәнә.

Троицкое селәнд ээж-экнртәһән суусн бичкдүд дав зуур садт оржана.Энүнд бичкн көвүд-күүкдиг школд белджәнә. Троицкое селәнә зәрм районд экнр-ээжнр ачнр-зеенрән дахулад, иим киитн болв чигн, өрүн йисн часла сурһульд адһна.

Элстин хойрдгч школын эргнд бәәх әмтн бәәдг гермүдин төрмүд хотл балһсна мэрийн болн бәәрн улсин хоорнд болсн харһлтын йовудт хаһлгдв.

Хальмгин боксермуд нәәмн алтн медаль шүүж авв. Уйн наста танһчин спортсменмүд Әәдрхн балһснд болсн боксин секәтә марһанд ончрв. Энүнд Ростовск областин, Дагестана болн Казахстана элчнр ирж дөрлдв.

Элстин школмуд Әрәсән сән эрдм-сурһулин заведеньсин тоод орна. 21-гч тойгта школ цугәрәсән зоачн марһанд диилвр бәрв.

Сүл цагт Хальмг танһчд антициклон ирсн бәәнә. Ода цуг коммунальн церглтс эндр чанһ дигтә-даратаһар көдлжәнә. Сөөннь дуусн хотл балһсна уульцнд цас хурадг машид көдлв.

Эндр Әрәсән ачта багш Леонид Ковальевич Санжинов зун насна жилин ончта өөнән темдглжәнә. Ончта өөнләнь йөрәхәр эндр Леонид Санжиновиг Элстин мэрийн элчнр, арвдгч школын элчнр ирв.

Өдгә цагт бичкдүд сәәнәр хальмг кел дассдгин төлә хальмг келнә багшнр ик нилчән күргнә.