Эн өдрмүдт нертә Игорь Моисеевин нер зүүжәх государственн академическ ансамбль далн тавн жилин өөнән темдглжана.Эн өөнлә ирлцүлж Москва балһснд олн керг үүлдврмүд давулгджана. Энүнд болхла олн регионмудас нертә коллективмуд орлцжана.

Әрүн Валентина сән өдр цуг нарт-делкән әмтн жил болһн темдглнә. Әрәсәд болхла эн байрин өдриг цөн жил хооран өргнәр темдглдг болв. Юнгад гихлә, баһчудт эн байр икәр таасгдна.

Эндр Танһчин правительствд туризмин тускар өргн күүндвр болв.

Элстин хаалһд эндр өрүн учрсн нег зеткртә йовдл болв. Эндр Элстин цутхлнгд дөрвн гиигн маши цокгдв. Эн зеткртә йовдлын ашт «Приорин» залач залвран гееһәд «ВАЗ» машиг дәврәд цокв.

Эн жил түрүн болж Элст балһсна эрдм-сурһулин заллт багшнрин болн сурһмжлачнрин үүдәгч марһан бүрдәв. «Эрдмтә багш» нертә дөрлдән хальмг келәр болв. Энүнд эрдм-сурһулин көдләчнр хальмг келән яһж меддгән үзүлв.

Яшкульск района Улан Эрг селәнд эн һазра күн дәәч интернационалист Эдуар Бараевин санлд нерәдгдсн волейболн марһан болв. Энүнд нәәмн команд дөрлдв.

Сарпинск района «Степной» СПК-д мал бордлһна плошадк тосхгдв. Иим бәәрнд удл уга нег минһн толһач бод мал асрж өскж болх.

Эндр Элст балһснд Вьетнамин делегац ирв. Хол һазрас ирсн гиичнр Хальмгин правительствин ахлачин дарук Вячеслав Илюмжиновла харһлт кев.

Эндр Городовиковск района бәәрн күн газар хордад, өнгрв. Эн жилин күсдундур сарин эргцд иим кевәр нәәмн күн хорв гиж «Калмгазин» негдлтин специалистнр эндр зәнглв.

Хар һазра района Артезиан селәнд удл уга спортын клуб көдлх. Ода тенд шишлнг гер яслһна көдлмш төгсжәнә. Бәәрн поселкин баһчуд иим байрта тосхлтыг тенкән уга гидгәр күләжәнә.

Эндр дигтә зун далн тавн жил хооран орсин алдр шүлгч Александр Пушкин сәәһән хәәсмн. Эн өдр Әрәсәд, тер тоод мана танһчд нертә бичәчин санлд нерәдгдсн олн керг — үүлдврмүд болв.

Әмтн йовдг хаалһ улм сән болх. Иим бәәрнд кегдсн цаһан татасиг талдан өнгәр ширдх зура бәәнә, кегдмл герл углж тәвх, хаалһсин темдгүдт болхла, светодиодн герл олзлгдх зөвтә.

Эндр региональн партьсин, танһчин ведомствсин, тер тоод прокуратурин, ФСБ-н болн МВД-н элчнр орлцата селвлән болв. Энүнә йовудт Әрәсән Президентин иргч сунһврин тускар тодрха күүндвр болв.

Мобильн телефо хулхалдг йовдлмудын то баһржахш.Әрәсән залһлдана болн олна коммуникацин министерств эн халхар мана орн-нутгин улсиг харсх саната.Давсн жилд Эльза Саряева һурвн телефо сольв. Нег дәкж энүнә сумкас телефоһинь хулхалж авч.

Эндр өдр шүднә эмчнрин нарта — делкән сән өдр. Хальмг танһчин шүднә эмчнр эн өдрән көдлмштән темдглжәнә. Шүдн өвдхлә бидн шүднә эмчд однавидн, шүднә гем ик бичкниг зована.