Танһчин полицин көдләчнр сунһврин участкс бүртклһ кежәнә
Эндр Танһчд Әрәсән Президентин сунһврин өмн өргнд сунһлһна участкс полицин көдләчнр бүртклһнә көдлмш кежәнә. Келхд, иим керг үүлдвр март сарин дөрвн күртл күцәгдхм. Эн кергиг диг-даратаһар кехин төлә цуг полицин көдләчнр орлцжана.
Эндр хотл балһсна полицин көдләчнр Әрәсән Президентин сунһврин өмн өргнд сунһлһна участкс бүртклһнә көдлмш кежана. Цөн өдр хооран эн керг үүлдвр эклв.Эн керг үүлдврт минһн һар полицин көдләчнр орлцжана. Эн өрүн бола эдн административн 5 участксар йовб. Хамгин түрүнд эдн ар болн дорд үзгт бәәх обьектмүд бүртклһ кехмн. Энүнд болхла кесг машид мана танһчиг хатлад йовна. Тегәд талдан регионмудас ирсн аца зөөдг машид сән кевәр хәләхмн. Полицин көдләчнр наркотик олж авдг нохас дөн болхмн. Полицин инспектор Арсланг Мальмаковин келсәр Әрәсән Президентин сунһврин өмн өргнд бидн цуг эн обьектсиг сәәнәр бүртлһ кех зөвтәвидн, тер юнгад гихлә март сарин дөрвн күртл цөн өдр үлдв. Өдр болһн полицин көдләчнр даалһсна даалһвран диг даратаһар күцәнә, асхн болһн бүртлһнә хөөн полицин көдләч даалһвран күцәгдсн хөөн ахлачтан келж өгчәнә. Дәкәд болхлаг бүртлһнә көдлмшт зер зев бәрдг энүгән күн бичә үзтхә һазрт хадһлх зөвтә. Аһучнр эврәннь зев зевин кемжәһән кезәнә диглв. Эн диглсн әмтнә зев зев булаж авхд гиж инспектор келж өгв.
Профилактика керг үүлдвр дөрвн өдртән хойр девснгәр болх. Эндр өздрәс авн эн керг үүлдврт Танһчин балһснацергин әнгд церглж йовх көвүд, болн МЧС-ин болн талдан ведомстенн көдләчнр бас орлцх. Танһчин МВД-н ахлачин дарук Виталий Дорджиевин келсәр күн болһн эн даалһврт цуг чидлән, сул цаган өгч орлцх зөвтә, тер юнгадгихлә цаглань чик кевәр эн даалһвран күцәхлә март сарин дөрвнд Әрәсән Президентин сунһврин өдр сән кевәр давх. Февраль сарин чилгчәр эн керг үүлдврин ашнь диглгдх.
Элла Хаптаханова, Сергей Очиров
