Залу улсин байрин өмн өргнд олн зүсн керг-үүлдвр давв
Залу улсин байрин өмн өргнд Танһчин школ болһнд олн-зүсн керг-үүлдрмүд давна. Жил болһн цергт церглж йовх улс дорас өсч йовх баһчудт олн зүсн нооолдана эв-арһ үзүлж, әмән әврллго дәәнд орлцсн әмнәсн хаһцсн салдснрин тускар келж өгнә. Дигтә эндр Хар Булгин школын сурһульчнрт тиим киләлд орлцх аһр учрв.
Баатр йовдл, халу зөрмг йовдл, төрскндән дурллһн — цуг эн тоотс күн болһн бәәх зөвтә. Цуг энүнә тускар Хар Булгин школын сурһульчнр эндр өдр меднә. Эн цуг тоотын тускар сурһульн милицин шишлн әнгин көдләчнр цәәлһж келж өгв. Мана Әрәсән межә харслһнд чидлтә, күчтә, зөргтә, ухата, көдлмш көвүд кергтә. Эдн болхла ямаран болв чигн керг үүлдврт дангин орлцад, эврәннь әмән әврүллго төрскн һазран хортнас харсхад, орн нутгтан тус күргх зөвтә.
Форост Евгений эн шишлн әнгин ахлач, энүнә келсәр малнд дангин тиим керг үүлдв бүрдәх кергтә, тер юнгад гихлә эндр баһ наста көвүд һазаран һарлго гертән сууһад компьтерар наадад сууна, бидн баһ цагтан дангин һаза футбол наадг биләвидн, цогц махмудан батруллад эрүл менд болувидн.
Сурһульчнр эн һарһлтыг тенкән уга күләв. Залу зөрмгән үзүлсн әмнәсн хаһцсн салдснрин туск йовдлын тускар оньган өгч сонсв. Дәкәд болхла сурһульчнрт дәәнә тускар кесг видеоматериал узүлгдв.
Энүнә хөөн сурһульчнр залу зөрмгән үзүлсн салдснриг дурахар седәд маднла ухан тоолврарн хувалцв. Эндр өдр ямаран даалһвр милицин шишлнг янгд көдлжәх көдләчнрт даалһж өгнә, мин бомб һазрас малтх әәмшгтә аль угай? цуг эн тоотс Мучкан Александрт соньн болж меддгдв.Өсхләрн би бас эн көдләчнр кевтә шишлн отрядт церглнәв гиж Александр келв.
Милицин шишлнг әнгин көдләчнрт хамгин олар зев-зевин тускар сурврмуд өгв. Көдләчнр болхла яһж зер-зев чикәр олзлхин тускар көвүд күүкдт келж өгв. Эндр өдр кесгнь йилһән сән көдләчнрин тоод орна, кесгнь өөдән мергжлтә ачлврмудар ачлгдсн бәәнә.
Көдләчнрин тоолврар иим хаһлтс бидн дангин бүрдәх санатавидн, тер юнгад гихлә эдн төрскн һазр усндан дурта болад өсх, залу зөрмгән үзүлж, мана өрн нутгиг хортнас харсх гисн иткл бәәнә.
Ээнән Делгр, Ирчин Алексей
