Тер саамд Элстин школмуд дав зуур иргч сарнг өдр киитн болад көдлжәхш. Эмчнрин келсәр, ода бичкдүд нурһлж гертән бәәснәс көлтә бичкдүдин больницд бичкн көвүд-күүкд дегд икәр оржахш.

Эндр Хальмг танһчин толһач Алексей Орлов мана регионд “Лукойл” компаня элч Семен Глозманла харһлт кев.Энүнә йовудт эн нефтин ик компаня болн Хальмгин правительствин хоорнд күцәгдх нөкцлтин тускар күүндвр болв.

Эндр Әрәсән номин эрдмин сән өдр. Элст балһснд эн өдрт нерәдгдсн байрин хург болв. Энүнә йовудт билгтә номтнриг, олн-зүсн марһасин дииләчнриг болн призермудыг ачлв.

Хальмг танһчд мартын чилгчәр социальн ухан-седклин халхар шишлнг керг-үүлдвр болх. Энүнә тускар эндр Хальмгин толһач Алексей Орловла болсн харһлтд мана иргч нертә региональн социальн программин сангин элчнр келж өгв.

Эндр өдр болхла экин капиталын мөнгн олн үртә орк бүлмүдт ик дөн күргжәнә. Шин программин закаһар эврәннь гертән ясврин көдлмш кехәр санжах өрк бүлмүд эн мөнгиг авч чаджана.

Сүл цагт ик киитн болснас көлтә усар тетклһнә системд эвдрлт учржана. Усна сурвлжнас һарсн усн тер дурнь көрч одна. Народная нертә уульнцин бәәрн әмтн иим бәәдләс көлтә күнд бәәдлд тусв.

Эндр хальмгин университетин аграрн факультетд танһчин аһуд өдгә цагин некврлә ирлцәтә дусалин шин эв-арһ олзлһна төрәр төгрг ширән сүүр болв. Эн хург номин болн производствин селвләцәнә программар кегдв.

Элст балһснд эрдм-сурһулин министерствин болн Хальмгин университетин бүрдәгдсн номин фестиваль эклв. Энүнд баһ наста шинжләчнр шунмһаһар орлцжана.

Ода нег минһн көвүд-күүкд бичкдүдин эмч эндокринологин тоод бәәнә. Давсн жилин чилгчәр болсн диспансеризацин ашар, танһчин райодын эмчнр дәкәд зурһан бичкдүдт иим эмлһн кергтә гиж илткв.

Дачмудт бәәх улс балһснд күрч чаджахш. Цөн жил хооран нааран йовжасн дачн кооперативмудын әмтиг зөөжәсн нег автобус ода гүүдгән уурв. Ода энд зу шаху өрк-бүл бәәршлжәнә, тер тоод сурһульчнр бәәнә.

Сүл өдрмүдт Хальмг танһчд догшн киитн тогтв. Танһчин гидрометеоцутхлнгин синоптикүдин тааврар, иим ик киитн дәкәд цөн өдр болх. Иим тенгрин таалд бичкдүд байрлжана. Ода зәрм школмуд көдлжәхш.

Элст балһснд Әрәсән сойлын болн искусствин сурһулин заведеньст сурчах үүдәгч билгтә тооцана концерт болв. Иим программд билгтә баһчуд жил болһн орлцна. Эврәннь танһчин улст концерт үзүлхд эднд үүмәтә болна.

Элст балһсна бичкдүдин тавн садт өөмлһнә бассейн бәәнә. Бичкн цагасн авн дамшлтта сурһмжлачнр бичкдүдиг чикәр өөмх дасхна. Бичкдүд цогц — махмудан батрулж.

Элст балһснд һурвдгч болн дөрвдгч микрорайодын бәәрн улсла хотл балсна һардачнр болн танһчин ахлачнр харһад күүндв. Энүнд ДЭЗ-ин болн залврин компаньсин элчнр орлцв. Харһлтын йовудт хаалһс болн гермүд яслһна.

Хальмг государственн университетд баһ наста номтнрин болн оютнрин хоорнд ном шинжллһнә халхар марһан бүрдәгдв. Эн марһан болхла номин өдрмүдлә залһлдата. Ирх долан хонгт эдн марһанд орлцх.