Аршань-Зельмн селәнә Ик хурл олн әмтнә мөнгәр секгдсн билә

Кезәнәһә отг-әәмг болһн эврә хурлта бәәсмн. Сарпинк района Аршань-Зельмн селәнә Ик хурл олн әмтнә цуглурсн мөнгәр минһн йисн зун йирн тавдгч жилд секгдв.

Эн хурл секгдснәс авн өдр болһн нааран Болдра Александра ирнә. Әмтн йовдг хаалһсиг цаснас күрзәр цеврлж, хурлын үүдиг секнә. Урднь эн һазрт хуучн хурл бәәсмн, болв дәәнә өмн ламнриг көөһәд, хурлыг хамхлв.1995 жил күртл. Эврәннь бурхн шажна кергән бәәрн әмтн талдан селәнд одад тенд бәәсн хурлд күцәдг бәәсмн. Өдр болһн Александра Батанковна энд зулан өргәд, мөргнә.

hаза киитн болв чигн Ик хурлын хора дулан, сул жилмүдт селәнд көк түлә орад, бәәрн әмтн әврәннь хурлан бас халлулһв. Долан хонгин чилгчәр нааран Бурхн Багшин Алтн Сүмн церглжах лам ирнә, ном умшч мөргүл күцәнә.

Аршань Зельмнә улс унг-тохминнь туужан бас әрүнәр хадһлж, дорас өсч йовх баһчудтан күргж йовна. Хальмг улсин байриг хурлд ирсн улс өргнәр энд темдглнә. Талдан селәдт бәәдг әмтн, баһ наста көвүд күүкд икәр ирдг болв.

Болдра Александра бийән хөвтәд тоолна тер юнгад гихлә эн күүкед күн орчлнгд бәәсн олн әмтнә төлә зальврна. Мел иигәд күн болһн цаган седкләсн ик чинртә олн әмтнд туста керг үүлдвр күцәхлә. Мана хальмг улсин уул авьяс заншл, өвкнриннь авг бәрц кезә чигн мартгшго.

Аджин Светлана, Колдан Церн