Эн жиләс авн негдгч классин сурһульчнр герин өөр бәәх школмудт орх санаһан медүлх зөвтә. Шин закаһар эрдм-сурһулин заведенин өөр бәәдг негдгч класст оржах көвүд-күүкд хамгин түрүнд эн школд сурх зөвтә.

Эндр насни дигт күрәд уга бичкдүдин комиссь бүртклһнә көдлмш күцәв. Кесг дәкж зака эвдсн йовдлмуд һарһсн эк-эцкнриг болн көвүд-күүкдиг шалһв. Тиим өрк-бүлмүд шишлн учетд бәәнә. Эднлә дангин профилактическ күүндвр тогтана.

Мана танһчд наркотикд авгдсн улсин то эндр болсн болсн антинаркотическ комиссин сүүрин йовудт заагдв. Эднә то күсдундур минһнд күрв. Эннь цугәрәсән үзмжәс хойр холванд ик болжана.

Мана телеүзлврт “Теегин Айс” нерәдллһтә дууна бичкдүдин шин проект көдлмшән цаарнднь давулжана. Эн марһан Элст балһсна Мэрийн болн мана телеүзлврин дөнгәр бүрдәгджәнә.

Эн жилин сентябрь сарин нег шинәс авн “Основы религиозных культур и светской этики” гидг предмет 4-гч классин сурһульчнр эрк биш дасх зөвтә.

Эндр Хальмг олн-әмтнә хуралын дарани биш сүүр болв. Депутатнр 12 төр хәләгдв. Тер тоод давсн жилин полицин көдлмш диглдв, бичкдүдин зөв харслһна тускар күүндвр болв.

Эндр дотр-дундын кергүдин министерствд Әрәсән МВД-н министр Рашид Нургалиевла видеоконференц болв. Энүнд 25 минһн шаху полицин көдләчнр, олна организацсин элчнр болн шажна үүлдәчнр орлцв.

“Алтн Булг” нерәдллһтә Танһчин бичкдүдин марһан эврәннь көдлмшән Яшалтан районд эклв. Эн марһанд района йисн школын күүкд көвүд орлцв.

Эндр Хальмгин Ик сурһульд хойр өдрин “Ном болн Баһчуд”нерәдллһтә межрегиональн номин техническ конференц эврәннь көдлмәш эклв.

Шидр Баатр Басанговин нер зүүжәх келн улсин театрт хальмг танһчин түрүн режиссер Тимофей Алексеейвд нерәдгдсн санлын асхн болв. Дигтә жил хооран күнд гемин уршгар нертә режиссер сәәһән хәәв.

hазр хаһллһна болн өлг эдин министерствин зәнгләр эндр өдр эрмдгтә болн мөчн тату нег минһн тавн зун улсин һазр авх цаас орулгдв.

Март сарин 17-д Государсвенн концерт заалын ул деер баһ наста дууч hәрән Лижин түрүн концерт болх. Дигтә эн өдр баһ наста билгт эврәннь 25 жилин өөнән темдглх.

Әркән ууһад маши залсн улсла Госдумин депутатнр ноолда кехәр зүткчәнә. Эн туск закан шинәс хәләгдх. Әрк уусн әмтнд иргчдән 0, З промилле күрх зөвтә.

Эндр уголовн-күцәлһнә систем бүрдәснә хөөн 45 жил давв. Эн өнчта өдр зуг эн заллтын көдләчнрин сән өдр биш, цуг зөв-йосна көдләчнрин байр болжана.

Эн жилд 250 минһ гектарт цаһан көвн тәрх саната. ”Перспективы развития хлопководства в Калмыкии” нерәдлһтәһәр эндр өдр правительвстд ик селвцән болв.