Пальмовин нертә музейд нертә зурачин һәәхүл давб

«Тоһруна дун», «Цецгин канкнсн үнр», «Өрүн тег» эн болн талдан зургудын һәәхүл Ользятин Сергей эврәннь өөнләннь ирлцүлж бүрдәв. hәәхүлиг эн өдрмүдт күн болһн һәәхч чаджана. Энүнә үүдәсн зургуд Әрәсән болн талдан орн-нутгин һәәхүлмүдт олн улс хәләж чадв.

Нертә билгтә зурачиг эн өдрмүдт йөрәхәр олн улс ирв, тедн дунд өөрхн элгн саднь, үр иньгүдн болн хамдан олн жилдән зург зурллһна хаалһар йовсн зурачнр. Дәкәд болхла эн һәәхүлд зурлһна хааалһд шинкән түрүн ишкдлән кежәх баһ наста зурачнр ирв.Даваджна Герл эндр өдр художествен школд сурһуль дасчана, энүнд үзүлгдсн хөрн шаху зургуд бичкн зурачд ик гидгәр таасгдв.

Эн бичкн күүкнә келсәр иргчдән Эн билгтә зурачиг дураһад бас нертә зурач болнав, бас эн күүг дурраһад олн зүсн ке сәәхн зургуд зурад олн улст үзүлх санан бәәнә. Эн күүкнлә хамдан Художественн школд сурһуль йовх баһ наста билгтнр бас ирв. Эдн оньган өгч цуг энд үзүлгдсн зургуд хәләв. Көвүд күүкд билгтә зурачас яһж ямр кевәр цуг эн зургуд зурснь сурч медж авв.

Зурач Сергей Ользятиевин зургудын ик зунь өөрхн элгн садндан нерәдгдсн зургуд. Энүнд болхла энүнә энкр болсн ээжнь зурата, талдан зург авад хәләхлә энүнд алтн уургар көкүлсн чик хаалһд орулсн эк-эцкнь зурата.Альд йовв чигн күн болһн төрскн һазр усндан дурта, зурач Сергей Ользятиев хальмг теегтән әвр дурта, теегт нисч йовсн шовудыг, бүкл жилдән теегт идшлж йовсн дөрвн зүсн малыг, хаврин цецгүдиг — зурхла чеежм байрар дүүрнә гиж зурач маднд келв.

Бичкн цагасн авн юм зурдг билә гиж эк Светлана Сангаджиевна келв. Школд сурһуль сурч йовсн цагт мел зурлһна кичәлд әвр дурта бәәсмн. Хамгин түрүнд бидн эцктәһән хамдан көвүһән көгжмин училиөд орулувидн, болв эн көгжмд дуран өгсн уга, манна көвүн зурач болв гиж эк келв. Түрүн зурсн зургуднь эндр өдр Светлана Санджиевна әрүн кевәр хадһлна. Эндр өдр эцкән энүнә хойр күүкнь Иләнә болн Кристина бичкн бичкн зург зурад дахч йовна. Кен меднә кесг жил давад Ользятиевин өрк бүлин зургуд орн нутгин әмтн чигн һәәхч чадхмн.

Аджин Светлана, Азыда Надежда, Ирчин Алексей