Цаһан Сарин байрин белдвр

Музран Валентина олн үртә орк-бүлд төрж һарсмн. Ямр чигн нәр-байр темдгхләрн гернь гиичнрәрн, элгн садарн дүүрн билә. Эндр өдр эврән хойр күүктә, хойр ач зеетә эк-ээж болв чигн дангин кезәнә эк эзкнр зааж өгсн авьясан хадһлж дорас өсч йовх баһчудтан күргж медүлжәнә.

Цаһан сарин байрин өмн өргнд хальмг улс урдаснь белдвр кедг билә. Гер дотран бәәх өлг эдән уһаж, үвлин кемд өмссн хувцан хог-богас цеврлж, һаза өлгж саждг бәәсмн.

Эн авьясиг ик кезәнәс авн мана өвкнр күцәдг бәәсмг. Зовлнгас гетлхин төлә зовлнг үүдәдг тоотас хөөһх кергтә, цаһан седкләр бәәхин арһ хәәх кергтә. Жил болһн эн байрин өмн өргнд хурлд мөргүл күцәгднә Шар Шажнд шүтдг улст чик цаһан седкләр бәәлһнднь Окн Тенгр бурхна ном иткмж өгч, бат түшгнь болна, цуг әмтә-киитә юмн эрүл-менд бәәнә.

Кангсо нерәдлһтә мөргүлд олн улс ирж ном умч зальврна. Эн мөргүл хамгин түрүнд күн болхниг харшас гетлүлнә. Мөргүлин хөөн һуйр һалд шатана. Энүнә хөөн олн әмтн тогтун эрүл менд бәәнә.

Эн керг үүлдврт орлцсн улсин байн зөөр икднә. Эн өдр номд орсн ярк чаһр ууулго бийән сән кевәр бәрх зөвтә гиж хурлын ламнр селгән өгчәнә.

Аджин Светлана, Чуучян валентина