Сүл цагт тогтсн ик киитн танһчин зәрм улсиг байрлулжахш. Гер-мал уга, һаза хондг әмтнд иим кемд дегд күнд болна.

Эндр Әрәсән сунһлһна цутхлнг комиссь мартын дөрвнд орн-нутгин президентин сунһврт олзлгдх сунһлһна бюллетеня текст батлж авв. Эн документд шишлнг марк бәәнә, сунһлһна комиссин тииз тәвгдх, энүнә хойр гешүн һаран тәвх.

«Одн» заводын ах уйн көдләч Александр Халушевд жирн тавн жилин ончта өөнд хамдан көдлжәх улс сән белг белдж. Энүнә өөнд нерәдгдсн мини-футбольн марһа эдн бүрдәж давулв. Дөрлдәнд зурһан команд орлцв.

Сүл өдрмүдт тогтсн киитн өдрмүдт үвлин кемд заһс бәрдг улст сән таал өгв. Ода зузан мөсн тогтад, иим улс танһчин усна боодгудт болн һолмудт одад, сул цаган олз-тустаһар давулж чадх.

Эндр Элст балһснд Хальмгин правительствин дарани сүүр болв. Б-З: Энүнд медицинск дөн күрглһнә тускар күүндвр һарв. Тер мет инвестицин туск төр бас хәләгдв.

Әмтн шин бүүрт нүүж орсна туск сән зәнгәр эклжәнәвидн. Әмтиг хуучн гермүдәс нүллһнә федеральн программар Лаганск районд шин герин тосхлт төгсжәнә.

Владимир Путин һардврта Кисловодск балһснд болсн ик хург мана танһчд ик чинр зүүжәнә гиж эндр журналистнрла болсн пресс-конфернцд Хальмгин региональн олна штабын һардач Лев Мухлаев келв.

Баснга Баатрин нертә келн-улсин театрин коллектив эврәннь хәләһәчнрән дәкәд нег наадар байрлулхмн.Эн саамд эдн Вера Шугреван бичсн «Шарка Барка» нертә пьесар тәвсн көгжмин наад белджәнә.

Ода Элст балһсна зарһин приставмудын әнгд хөрн тавн минһн некврин цаасн бәәнә. Энүнд кесг сай арслнг өр өгх то-диг орв.

Олна малд үвлд күрх хот бәәнә.Энүнә тускар Хальмг танһчин селәнә эдл-ахун министерствин көдләчнр зәнглв.

Эндр Хальмгин государственн университетд номин хүүвин сүүр болв. Энүнд алдр бичәч болн шүлгч Көглтин Даван жилд нерәдгдсн керг-үүлдврмүд Хальмг танһчд кезә болн альд болхин туск диг-даран батлж авгдв.

Эн өдрмүдт Хальмг танһчин усна обьектмудт МЧС-ин региональн заллтин баһ кермсин төрәр көдлжәх инспектормуд киитрхлә мөснә зузана кемжәг шинжлжәнә.

Тер саамд Приютненск дундын школд сурһульчнр даарчана. Ода классмудт дегд киитн. Иим бәәдл уга энд ясрх гиж багшнр нәәлжәнә.

Элстин хөрн хойрдгч тойгта бичкдүдин сад карантинас көлтә көдлшго эс гиж дав зуур хаахин тускар хотл балһсна зарһ манһдур шиидвр батлж авх.

Театрин артистнр уйн наста хәләһәчнрт эврәннь үүдәлтин нуувчин тускар келж өгв. Элстин сурһульчнрин төлә орсин драмин театрт шишлнг экскурсь кегдв.