Хальмг Танһчд хойрдад теегин сувсиг шүүж авх. Эн марһана аш Элст балһснд апрель сарин 10 болх, эн марһанд эндр өдр арвн зурһанас авн хөрн хойр нас күртл нәәмн күүкд орлцв.

Нарн һарад цасн хәәлснә хөөн маши йовдг хаалһсин дуту дундс һарад үзгдв. Элст балһсна хаалһс му бәәдлтә. Маши жолачнр эврәннь көлгән хармнад хаалһин нүксиг давж йовна.

Эндр өдр балһсна ахлачнрин дөрвдгч хург болв. Энүнд 12 һол төр хаһлгдв. Күүндврин йовудт балһсна ахлачнр, депутатнр болн тоочин палатын гешүд давсн жилин ашиг болн иргчин зуран тускар күүндв.

Эндр өдр хальмг Танһчин вовинам вьет во дао федерацин көвүд күүкд Ярославль балһснд йовх. Хальмг Танһчин нериг эн марһанд йилһән сән спортсменмүд харсх.

Эндр өдр ик сурһульд күн болһна өсллһнә академин көдлмш эклв. Эн программиг бәәдл-жирһлд тохрах седвәр Бадм Салаев татв. Эн программд болхла оютнр хоорндан күүндвр тогтаж, мастер классмуд үзүлж көдлх зөвтә.

Хулха кесн күүкд күүг олн әмтнә дөнгәр бәрж чадв. Аһш балһснур зулад гүүсн гергиг полицин көдләчнр гиигн маши зогсаһад энүг бәрж авв.

Сарпан района Садовое селәнә дундын школын сурһульчнр шин оборудованяр көдлжәнә. Шин некврлә ирлцжәх оборудовань селәнә школ тетклһнә программар ирв. Иргчдән эн оборудовань района талдан чигн школмудт углж тәвгдх.

Март сарин 4-д Үстин района Цаһан —Амн селәнд геедрж одсн долан наста Максим Сидоров ода күртл олдсн уга. Хәәврин көдлмшт ут тоодан 200 күн орлцжана.

Эндр Хальмг Танһчд түрүн болж хальмг шүлгләнә өдр темдглжәнә.Эн өдр Көглтин Даван йирн жилин өөнд нерәдгдсн болжана. Байрин керг үүлдврмүд бүкл жилдән давх.

Өмн үзгин федеральн округд болсн пауэрлифтингин чемпионатд мана хальмгин спортсменмүд нүүрт һарв. Эн чемпионат Ростов-на-Дону балһснд болв. Ут тоодан эн чемпионатд 400 спортсменмуд орлцв.

Сарпан района Садовое селәнә дегтрин санг Цуг Әрәсән марһанд орлцад диилвр бәвр. Энүнд шин оборудовань болн дегтрмүд хулдж авгдв. Селәнә әмтн эндр өдр эврәннь сул цаган дегтрин сангд давулна.

Эндр өдр Элст балһснд бичкдүд болн баһчуд әмән таслхин туст энүнәс яһж гетлхин тускар төгрг ширә давв.

Элст балһсна 2гч тойгта школын ул деер «Альков эк-эцкнр» гидг марһан давв. Энүнд залус болн гергчүд хальмг улсин авг-бәрц, сойл болн кел яһж меддгнь үзүлв.

Сүл жилмүд хуучн, нуурад унжах гермүдт бәәх улсин төлә кесг дөннлһнә государственн программ көдлжәнә. Нег программин таал иим; олн жилдән хуучн герт бәәх улст дөн болж ясвр кегднә.

Элст балсһнд садв гемин диспансерин ясврин көдлмш төгсдән өөрдв. Келхд, эн ясврин көдлмш минһн йисн зун йирн тавдгч жилд эклсн билә.