Артезиан селәнә һучн жил хооран тосхгдсн больниц эндр өдр көдлнә
Артезиан селәнә больниц һучн жил хооран тосхгдсн болв чигн эндр өдр тер кевәрн көдлнә. Хар һазра районд бәәх әмтн эн эмнүллин учрежденьд ирж дөн авчана. Энд олн жилдән эврә кергән сәәнәр меддг дамшлта эмчнр көдлжәнә.
hаза һучн градус киитн бәәсн болв чигн селәнә больницд дулан. Ах эмч Тавн Настаевин келсәр энд нидн жил косметическ ясвр кегдв. Дулана турвас сольгдв. Артезиан танһчин райодын селәд хамгин хол бәәдг болв чигн энд эврә эмннүлин учреждень бәәнә. Текәд чигн селәнә улст района цутхлнгд йовх керг уга.
Эндр өдр шинкән нилхәр һарһсн баахн болн олн үр һарһсн өрк бүлмүд тенкән уга байрта бәәнә тер юнгад гихлә эдн эврәннь селәндән эмчнр дөн тус күргжәнә. Тавн наста Милана Лидия эктәһән Москва балсһнд эмннлһ авхар санаторть йовб. Селәнә больницд лабораторь бәәнә. Эмнүлин учреждень һучн жил хооран тосһгдсн билә. Тиигхд энд хирургическ, төрслһнә әнгс болн ренген кабинет бәәсмн.
Стационарн әнгд болхла тәвн орм билә ода болхла арвн тавн үлдв. Урднь энд күнд операц кедг билә гиж Тавн Васильевна тодлна. Энүнә келсәр селәнә эмчнр олн зүсн халхар әмтнд дөн күргнә. Ода энд нурһлж дунд наста эмчнр көдлжана. Баһ наста специалистнр селән һазрт ирж көдлхдән дурлхш. Тегәд Әрәсән правительствимн шиидврәр йилһж өгх нег сай арслнг эднд сән урд өгх гиж селәнә улс тоолжана. Темдгләд келхд эн программар эндр өдр селәнә больниц дут тоодан хөр һар күн көдлмшәр теткгдсн бәәнә.
Ээнән Ольга, Жамбин Дмитрий
