ГИБДД-н көдләчнр элстин хаалһд һарад, “Автобус” нертә профилактическ рейд давулв

ГИБДД-н көдләчнр Элстин хаалһд һарад “Автобус” нерәдлһтә профилактическ рейд давулв. Өдр болһн маши жолачнр хаалһин зокал эвдәд эврә дурарн машиһән зална. Энүнә ашт хаалһд зеткртә йовдл икгднә.

Элстин цутхлнгд бәәх зогсалд йириндән олн улс хурна. “ГАЗелин” жолачнриг зөв харлһна органмудын көдләчнр тосч авб. “ГАЗельд” әмтн дүүрн, зогсдг чигн орм уга. Технадззорин болн ГАИн инспектормуд протокол бичж мөнгнә шоодврла харһулжах жолачнрт шишлн цаасн бәрүлж өгв. Мөнгн олхин төлә зәрм арһлачнр автобусмудт немр сандл углж тәвнә. ГИБДД-н зөвшәләр иим сольвр орулж болжана.

ГИБДД-н көдләч Евгений Жамбиновин келсәр эндр өдр кесн рейдт кесг эвдлһн олж авлавидн. Көлгнә инспекцла хамдан бидн дангин тиим керг үүлдвр давулнавидн. hан халун өдрмүдт газелистнр олн әмтиг суулһна, әмтн герүрн зогсад хәрнә.

Эврәннь ухан тоолврарн надзорин церглтин специалистнр бас хувалцв. “ГАЗелин” шилмүдт хар цаасн наалдсн үзж болхмн. Киртә “ГАЗазельмудт” әмтиг йовулна. Кергтә темдгүд уга эн тускар бидн маши залачнрла күүндвр тогтанавидн гиж Сергей Амнинов келв.

“Автобус” нерәдлһтә керг үүлдвр цааранднь көдлмшән давулжана. Сүл долан хонгин эргцд инспектормуд 70 эвдлһн олж авв. Рейд-ин йовудт инспектормуд автопредприятьмудт оч тенд машисмүдин техническ бәәдл үзж чадв. Маши залачнр улан светофорин һал һатлад йовна. Энүнә ашт кесг зетртә йовдл учрна.

Тавн сарин эргцд хаалһд 9 зеткртә йовдл болв. Жил ирвәс эднә тонь өсәд йовна. “ГАЗелин” жолачнр олн мөнгн олхар адһад әмтиг суулһна болн “ГАЗеләс” һарһна — гиж ГИБДД-н инспектор Евгений Жамбинов келв. Рейд кесн саамд нег чигн зеткртә йовдл учрсн уга.

Валентина Чуучева, Валерий Котинов