Троицкое селәнә бичкдүдин амрллһна лагерьт гиичнр ирв
Троицкое селәнә Басан Гороводиковин нер зүүжәх гимназин уул деер бүрдәгдсн бичкдүдин амрллһна лагерьт гиичнрин делегац ирсн билә. Эндр өдр эн лагерьт 10З көвүд күүкд амрчана. Энд күүкд көвүд соньн кевәр цаган давулсн деерән дәкәд шишлн эмнллһ авч чаджана. Школын уул деер бичкдүдин төлә бүрдәгдсн «Здоровье» нертә эмнллһнә хора ирсн гиичнр эврә нүдәрн үзв.
Эн лагерьт цаган соньн кевәр цаган давулжах көвүд күүкд цогц махмудан ямаран кевәр өдр болһн батрулжахнь ирсн гиичнрт үзүлв.
«Молоко» нертә проект Яшкульск района ахлач Тельман Хаглышевиг йир соньмсулв. Троицкое селәнә Басан Гороводиковин нер зүүжәх гимназин директор Валентина Убушаевнан келсәр эн проектрд Роспотребнадзорин специиалистнр ик дөн күргсн билә.
Эндр өдр яшкульск районд эндр өдр легерь уга энүнә тускар. Күүндврин йовудт Яшкульск района ахлач Тельман Хаглышев келсн билә. Тегәд арһ уга болад эк эцкнр бичкдүдән талдан лагерьмүдт амрхар йовулна. Эндр өдр райодвн хоорнд бооца батлгджана.
Троицкое селәнә өөр бәәх "Сайгачонок" нертә лагерьт жил болһн олн көвүд күүкд амрна тегәд иргч жилд Яшкуль селәнә бичкдүд бас амрх. Троицкое селәнә тал дунднь молодежный нертә микрорайон тосхгджана. Эн микрорайонд иргчдән бикдүдүдин сад, школ, сойлын гер тосхар зуралгджана. "Социальное развитие села" нерәдлһтә программар Целинн района мунициапальн бүрдәцин администрац эндр өдр селәнд үлдж көдлхәр седжәх баһ наста специалистнрт 105 һазрин участкс йилһж өгв.
Яшкульск района ахлач Тельман Хаглышев келсәр эн программ баһ наста специалистрт дөн болх. Яшкульск районд бас тиим керг үүлдвр бүрдәх кергтә болжана. Эндр өдр Троицкое селән делгрәд өсәд йовна.
Троицк селәнә консервн заводын ахлач Павел Лихомана келсәр өдгә цагт эврәннь тәрә темсән бидн таладн регионмудт йовулнавидн.
Дәкәд эн өдр кесг харһллт болсн билә. Яшкуль троицкое селәнә хоорнд консервн завод бәәнә. «Гашунский» нертә СПК эндр өдр тәрә темсәр теткнә. Жил болһн 4 һар тонн терә темс урһна. Аштнь 400 минһн банк һарна.
Харһлтын чилгчәр райна ахлачнр кесг бооца батлж авсн билә. Иргчәд эдн кесг марһас, фестивальмуд, харһлтыс хамдан бүрдәх саната.
Чуучән Валентина, Очиров Сергей
