Шидр Элст балһснд Ростов балһсна 26 наста бәәрн күн бәргдсн билә. Баһ наста күн нартотик тархалһна кергт мөнгн олдг бәәсмн, тегәд федеральн хәәврин тоод орсн билә.

Эндр Хальмг Ик Сурһульд региональн номин конференц давулгджана. Конференцин йовудт региона сойлын болн сурһуль-эрдм делгрүлһнә туст музей ямаран тус күргнә тускар өргн күүндвр болв. Энүнд көдлмш хойр секцәр әнгләд давулгджана.

Эн өдрмүдт негдгч тойгта көгжмин училиш 75 жилин өөнән темдглжәнә. Эн цагин эргцд минһн һар баһчуд эн сурһулин заведениг төгсәһәд үүдәлтин хаалһар йовв.

Әәдрхн балһснд межә харсллһна болн УФСБ-н церллтин кермин болн онһцин бәәршлһнә пункт секгдсн бәәнә. Эн бәәрнәс цергчнр шишлн камерар бүртллһнә көдлмшән кенә.

2011 жилд Элстд этношкол секгдсн билә. Школын багшнр байрин бәәдлд эн жилин түрүн һарцин көвүд күүкд һартнь диплом бәрүлж өгв.

Танһчин 6 тойгта «Диилвр» нерәдлһтә баһчудын слет Анатолий Кичиковин нер зүүжәх хальмг келн улсин гимназин уул деер даав. Эн керг-үүлдврт эклц профессиональн сурһульд сурч йовх баһчуд орлцв.

Май сарин 26 цуг Әрәсән арһлачнрин сән өдр болв. Эн өдр Хальмгин арһлачнрин дунд талдан регионмудас ирсн гиинрин, Танһчин күцәгч органмудын дунд «Предприниматели Калмыкии»нерәдлһтә негдгч экономическ форум Сити-чесст давв.

Май сарин 26-д «Единая Россия» партин 1З-гч сьездт Хальмгин Толһач Алексей Орлов партин ах советин гешүн болв. Дөрвн жил эн сьездиг толһалсн Әрәсән президент Владимир Путин эврәннь керг үүлдврән төгсәв.

Эн жил май сарла Әрәсән дотр дундын министерств «Комсомольская правда» нертә газетла хамдан «Мама в полиции» нертә марһа бүрдәв.

Хальмг Ик сурһульд «Инновационная Калмыкия» нерәдлһтә форум көдлмшән цааранднь давулгджана. Эн форум өдгә цагин информационн инфрастуктурин болн политикин иргчин зуран тускар специалистнр, багшнр, оютнр орлцад селвцв.

Май сард тогтсн халун өдрмүд тәрәчнрин көдлмшт харшан күргжәнә, тәрән хагсчана. Йириндән Яшалтинский нертә СПК районд байн урһц хураж авлһарн нүүрт һарна. Эн жил эн туст нәрн бәәдл тогтсн бәәнә.

Эндр школан төгсжәх баһчудын төлә сүл хонх жиннв. Эн байр көвүд-күүкдт хамгин сергмжтә өдр болна. Школан төгсәсн йовдл баһчудын санлд мөнкинд үлдхмн.

Эн өдрмүдт көдлмшин халхар мана танһчур Японь орн нутгас Футабо школын директор Като Хинако күүкд күн ик сурһулин багшнрла болн оютнрла харһхар ирв.

Эндр өдр Хальмг Танһчд хаалһд зеткртә йовдлла харһсн улсин төлә медицинск туслмж өөдлһнә федеральн программ дөнгән күргх.

Улан-Хөөч эдл ахуд хөд хурһлһна компань төгсжәнә. Энүнә ашт малчнр арвн нәәмн минһн долан зун тәвн хойр хурһд авб. Специалистнрин тоолврар давсн жиләс хурһудын то өсв.