Көтчнрә района Сарпа нертә эдл ахун малчнр зурһан минһн тонн өвс белдж авхар зуралгджана

Эн жилд Көтчнрә района Сарпа нертә эдл ахун малчнр зурһан минһн тонн өвс белдж авхар зуралгджана. Сүл жилмүдт хулдж авсн шин техник өвс белдж авлһнд дөн болжана. Зунын цагла зогсчах халун эн жилд тәрсн урһцд харшан күргжәнә.

Көтчнрә района Сарпа нертә эдл ахуд олн жилдән көдлж йовсн бригадир Сергей Бадмаев дәкәд механизаторин үүл күцәнә. Көдлмш дала көдлдг улс уга. Сүл жилмүдт дорас өсч йовх баһчуд нааран ирж көдлхәр седжәхш. Эдл ахун ахлачнр баһчудын төлә гер тосһхар зуралжана. Дәкәд эдн шишлн сурһуль авч чаджана. Өвс хадһлһна көдлмш сарпа селәнәс Ростовск областин зун далн килметрин дууна һазрт кегджәнә.

Владимир Мутуловин келсәр, жил болһн холл хаалһд йовх машина бензин тосн дала кергтә болна. Белдж авсн өвс малмудт эн үвлд күртшго. Дәкәд деернь хулдж авх кергтә.

Кеер өвс хадһлһна көдлмшт орлцжах механизатормудын төлә сән таал бүрдәгджәнә. Шар нарна толяс механизатормуд тосхгдн хорад амрна. Энүнд эдн халун хотан ууна. Дәкәд энүнд бийән уһадыг болн хамин хора бәәнә.Эн өдрмүдт герин ора сольгдв, шин терз тәвв. Дорас өсч йовх баһчудын төлә схн таал бүрдәх санатавидн гиж Баатр Окчаев келв.

Намрар тәрәчнр хар будя суулһв. Зунын цагт механизаормуд нег гектарас 25-З0 центнер авхар зурата бәәсмн. Болв май сарин өдрмүдт зогсн һан халун урһцд харшан күргв. Ут тоодан эн жилд малд зурһан һар тонн шүрүн хот белдх кергтә. Өвсән теегт улдәлго тер дарунь малчнрин эдл ахуд күргнә.

Эн жиләк өвс дегт хагсу. Май сард хур орсн уга билә.-гиж бригадир Сергей Бадмаев келв. Хот белдлһнә компань эн өдрмүд хамгин һол керг үүлдв болжана. Тәрәчнрин болн механизатормудын ухан тоолврар мана танһчд хот белдлһнә бааз бәәх зөвтә. Эн туст сарпа эдл ахун көдләчнр эврә нилчән бас орулх саната.

Энән Ольга, Жамбин Дмитрий