Цуг нарт-делкәд «Эк болн нилх» нерәдлһтә долан хонгин өдрмүд давжана

Цуг нарт-делкәд «Эк болн нилх» нерәдлһтә долан хонгин өдрмүд давжана. Эн өдрмүдт һарсн нилхдүдән көкин үсәр асртн гисн дуудвр баахн наста экнрт өггджәнә. Эн керг үүлдврт 170 орн нутг оржана, Хальмг Танһчин төрллһнә герин болн бичкдүдин эмнллһнә учрежденьсин эмчнрин эн тускар кесг сурһлна кичәлмүд болн баахн экнрлә харһлтс бүрдәжәнә.

Диана Бугаева саата болсн кемлә баһ наста экнрин шишлн куурст одг билә. Дигтә тер куурст кесг соньн юм медж авлав гиж баахн эн Диана маднд келв. Дамшлта эмчнр өдр болһн маднд кесг лекцс умшв. Хамгин түрүнд эдн нилхдән көкин үсәр көкүлтн гиж селвг өглә. Джал көвүн һарсна хөөн эмчнр баһ наста экин герт ирәд яһж чик кевәр көвәһән көкүлх кергтә нөкд болдг билә гиж Диана келв. Диана эврәннь көвүһән хойр нас күртл көкүлхәр седжәнә. Лекцд сонсн сүв селвгүд йир туста болв .

Эмчнрин ухан тоолврар, үнтә нертә фиирмсин бичкдүдин төлә кегдсн холян экин үснлә эдл биш. Экин үсәр асрсн бичкдүд чанһ чиирг болна дәкәд болхла эдн гемтхш.

Эмч Эмили Церенован келсәр экин үснд кергтә микроэлементмүд болн витаминмүд бәәнә. Нилхдүдән талдан хулдж авсн холянар тәжәх болшго.

Өдгә цагт, баһ наста экнр нилхдән көкәсн эрт һарһна. Эннь буру йовдл. Баһ наста экнр көкнь бичкн болх гиһәд әәнә. Зәрм баһ наста экнр эрт сурһульд көдлмшдән һарна. Энүнә ашт нилхдүдән эрт бөдүн улсин хотд орулна. Энүнәс эднә эрүл менднь му болна. Номтнрин ухан тоолврар эк нилхән удан көкүлхлә эдн улм өснә эрүл менднь сән болна.

Азыда Надежда, Бадмаран Владислав