Эндр донорин нарта-делкән өдр

Цусан өгәд, талдан улст нөкд болв. Эндр донорин нарта-делкән өдр. Эн сән өдрин программар Элст балһсна цутхлнг талвнгд цус авлһна мобильн пунтк көдлжәнә. Предприять-организацсин элчнр, оютнр болн талдан чигн әмтн ирж цусан өгчәнә. Эдниг дор ормдан халун хотар тооһад болн бичкн белгүд бәрүлж өгчәнә.

Эндр донорин нарта-делкән өдр. Эн сән өдрин программар Элст балһсна цутхлнг талвнгд цус авлһна мобильн пунтк көдлжәнә. Мобильн пункт өдгә цагин невкрлә ирлцжәх техникар теткгдсн бәәнә. hан халун өдр болв чигн өрүн эртәс авн олн улс хурв. Күн болһн эндр өдр нааран ирж цусан өгч чаджана. Нааран ирсн улс паспорта ирх зөвтә. Цусан өгхин өмн күн болһниг дамшлта эмчнр хәләнә.

Пүрвән Валентина эн өдрин тускар сонсад нааран ирсн билә. Эн күүкд күүнә келсәр кесг жил хооран цусан өгхәр седлә. Болв сул уга болад нааран ирж чадсн уга биләв.

Өрүн цагасн авн нааран ирләв.Мини цусн улс тус күргх болх — гиж Пүрвән Валентина келв. Эндр өдр Хальмг Танһчд йисн зун найн зурһан ачта донор бәәнә. Танһчин цусна цутхлнгин ах эм Александр Максимован келсәр сүл жилмүдт донормүдын тонь баһржана. Советин йосна цагт күн болһн цусан өгдг билә. Сүл жилмүдт әмтн әәһәд цусан өгчәхш.

Цаг болад әмтн мана цутхлнгд ирхш, цусан өгсн күн олн улст дөн болх — Танһчин цусна цутхлнгин ах эм Александр Максимов келв.

Бөдүн улс дөрвн зун милилитр цус өгч чаджана. Эрүл мендт харшан күргшго, сән болх. Николай Шарапов кесг дәкч нааран ирәд цусан өгнә.

Дөрвн зун милилитр цус арвн тавн минутын эргцд эмчнр авна. Эндр өдр цусн авдг цутхлнгд сән таал бүрдәгдсн бәәнә. Халун хотар чигн тоона.

Эмчнрин келсәр олн жилдән цусан өгдг улс грипп гемәр, зүркнә, онкологическ болн талдан гемәр гемтхш. Донорин Нарт делкән өдрлә эмчнр цусан өгсн улст ханлтан өргжәнә, тер юнгад гихлә эднә цусн әмтнд дөн болх.

Дмитрин Татьяна, Алексей Ирчин