Октябрьск района Хошеут селәнд бәәх спортивн заалын ясврт зурһан сай арслнг кергтә. Аварийн бәәдл тогтснас иштә эн зал 2009-гч жил хаагдсн болдг.

Эн жил мана танһчд намр зөвәр уданд татгдад, цаг дулан-сәәхн болв гиж келх кергтә. Болв өдгә цагт үвл медлдән орсн бәәнә.

Хальмг танһчин правительствин президиум эндр болв. Мана танһчд эклц школмудин болн дунд сурһулин систем шинрүллһнә төр сүүр деер хәләгдв.

Элстин эрдм-билгин училишин сурһульчнр Ар Кавказин билгтә бичкдүд гидг региональн хойрдгч марһанд орлцад, лауреатнр болв. «Фортепиано», "Келн-әмтнә зевсгүд» болн "Вокал» гидг номинацд зу һар орлцачнр билг-эрдмән үзүлж марһцхав.

Октябрьск района Хошеут селәнд шин бичкдүдин сад эдлврт орулгдв. Хөрн негн ормта, эврә хот уудг, онц нааддг хората, бичкдүдин сад СПК-н администрацин негдгч давхрт бәәршлсн бәәнә.

Элст балһсна садын-һарудин негдлтин орлцачнр балһсна мэрийин көдләчнрлә хаһрв. РЭО ГАИ-н эргнд бәәх эн негдлтин бәәрн улс эн седвәр татсн болдг. Йоста, тохнята күүндвр болв гиж темдглх кергтә.

Бас эндр мана нер туурсн ”Бамб цецг” ансамбль тогтсна далн тавн жилин өөн темдглгджәнә.

Хөр һар жил хооран “Улан Туг” телевизионн марһанд орлцсн Александр болн Надежда Егориновинә өрк-бүллә шидр мана үүдәгч баг харһж күүндв. Өдгә цагт эн өрк-бүл Ик-Буурл района цутхлнг селәнд бәәнә.

Хальмг танһчд зарһин систем тогтснас авн йирн жил болв. Эндр Элстд эн ончта өөнд нерәдгдсн региона зарһчнрин коныеренц болв. Хальмг танһчин толһач зарһчнриг йөрәв.

Төрскән харсгч алдр дәәнә ветеран, хальмг танһчин финансов министерствиг олн жилдән толһалж йовсн Махмуд Аккочкаровин санл тоджлгч өдрмүд авжана.

Әрәсән конституцин өдрт нерәдгдсн олн-әмтн орлцата акц цуг Әрәсәһәр давв.Цуг орн-нутгар мет конституцин өдрлә ирлцүлж молодогвардейцнр күн болһна зөв-йосна тускар олнд бас нег цәәлж медүлж келв.

Танһчин хотл балһсна талвнгд шин жилин кеермж болдг елк углж тәвгдсн бәәнә. Эндр өдр елкиг экләд кеерүлжәнә. Олн-зүсн өнгтә, герлтә шам елкиг сәәхрүлхмн.

Ик-Буурл района арвн зурһан баһ наста эмчнр федеральн программин орлцачнр болв. Эн программар орн-нутг һарһж өгчәх мөнгән эдн авчксн бәәнә. Селән һазрт көдлжәх эмчнр мөнгән яһж олзлхан бас меджәнә.

Шин жил күртл дигтә һурвн долан хонг үлдв. Эн өдрмүдт зәрм улс урдаснь дурта байртан белдвр кежәнә.

Үвлин цагт маши залачнр болн хаалһ һатлжах улс бийән ямаран кевәр бәрхин тускар Хальмг танһчин МЧС-ин специалистнр зака батлв.