“Зимняя сказка в Татрах” нертә бичкдүдин үүдәлтин нарта-делкән фестиваль Польшт болв. Январск фестивальд Европин болн Әрәсән бичкдүд орлцв. Бичкн артистнр олн-зүсн халхар билг-эрдмән үзүлв.
Арв шаху өдр амрсна хөөн эн өдрмүдт Элст балһсна коммнульн церглтин көдләчнр уульнцс цеврлж ахулжана. Ода хотл балһсна шишлнг эдл-аху Элстин цутхлнг уульнцас цас хураж авчана, бальчг болн хог-бог цеврлжәнә.
Эндр Хальмг танһчин правительствин ахлач Игорь Зотов танһчин селәнә эдл-ахун болн жилишн-коммунальн эдл-ахун министерствсин һардачнрла селвлцә кев. Энүнд һол төр болж Хальмгин селәдт газ орулһна давсн жилин көдлмшин аш диглгдв.
Ода пиив әрк-чаһрла әдл гиж тоолгджана. Январин нег шинәс авн энүг сөөднь хулдж болшго. Тер мет тәвн дөрвлж метрас баһ ларекмудт, киоскмудт болн бичкн магазинмудт пиив хулдж болшго.
Хальмгин телеүзүлврин дөчн тавн жилин өөнд нерәдж Вести Калмыкия программд өдр болһн Бийән тань нертә рубрик һардг билә.
Садв гемлә ноолда кехин төлә Әрәсән правительств Хальмг танһчд һучн һурвн сай һурвн зун нәәмн арслнг йилһж өгв. Энүнә тускар эндр танһчин эрүл-менд харлһна болн социальн делгрлтин министерств зәнглв.
Тер саамд хаалһар йовж йовад, зөрүд хаалһд һарч йовсн жолачнр ял өгхмн. Шин жиләс авн административн зака эвдсн улсин засгла харһулна кодекст сольвр орулгдв.
Элст балһснд “Комбинированная пирамида” нертә бильярдин нарта-делкән рождественск марһан болв. Энүнд Волгорадск, Мурманск областьмудын, Ставрпольск, Краснодарск краймудын, Хальмг танһчин, Мари-Элын болн Украина спортсменмүд орлцв.
Шин жилд шин зокалта орв. Январин нег шинәс авн шин закад болн тогтаврмуд бәәдл-жирһлд орулгджана. Үлгүрнь, әмт зөөжәх, әәмшгтә күнд аца зөөжәх көлгн-күчн ода эрк биш ГЛОНАСС навигаторта болх зөвтә.
Үвлин кемд зунын марһан болв. Элст балһснд түрүн болж роликин конькиһар дошлһна дөрлдән болв. Энүнд бичкдүд болн бөдүн улс чигн орлцад, чидлән сөрв.
Шин жилин байрт хамгин түрүнд бичкдүд икәр байрлна. Жил болһюн эдндл Хальмг танһчин толһач елкин байр бүрдәж ик байр үүдәнә.Бичкдүдин үүдәлтин цутхлнгин үүд секхлә, туульд туссн болж медгднә.
Сарпуль балһснд болсн нарт делкән турнирт хальмгин боксермүд күрл медальмуд шүүж авв. Эн турнирт Арменәс, Азербайджанас, Казахстанас, Әрәсәһәс болн өмн Осетяс дамшлта спортсменмүд орлцв.
Шин жилин байрин өмн өргнд Сарпан района Шарнут болн Канукова нертә селәдмүдт көк түлә ирв.
Эндр декабрь сарин хөрн нәәмн, дигтә эн өдрлә 194З жилд цуг хальмгудыг киитн сиврүр туугдв.
Эндр Элст балһснд өрүн йисн часла «Исход и возрождение» нертә бумбин өөр сталинск цаажла харһад, әмнәсн хаһцсн улсин санлд нерәдгдсн митинг болв. Хурлын ламнр номан умшв.