Элст балһснд инвалидмудин төлә реабилитационн цутхлнг бүрдәгдхмн. Энүнә тускар эндр тан чин правительствин ахлачин кабинетд болсн сүүр деер келгдв. Цутхлнгин һол төрнь — эрмдгтә улст, инвалидмудт олн халхин дөнг күрглһн болжана.

Эн долан хонгин чилгчәр келн-улсин драматическ театрт Балыка Санжин бичсн «Девичья честь» нертә түүкәр тәвгдсн наадна түрүн үзүлвр болхмн. Хальмг келн-улс революцд орлцсна йовдлд, туужд болн сойлд нерәдгджәнә.

Намр төгсхдән өөрдәд ирв. Тегәд танһчин улст өөрдж йовх үвләс ю күләхмн? Нег үлү, эн кемд хаалһ хальтрата машид залхд күнд болна.Элстд ик киитн өдрмүд ирәд уга.

“Войди в мир ребенка, пока открыта дверь” нертә эк-эцкнрин ик хургар эндр Элстд Танһчин правительственн заалдтанһчин эк-эцкнрин форум көдлмән эклв.

Эн өдрмүдт төрскн келнә багшнрин ассоциацин хоорнд дарани селвцән давв. Эн керг үүлдврт дөчн һурвн багш орлцв. Селвцәнә һол төр өдгә цагт хальмг келн делгрүллһн болжана.

Шин административн зөв эвдлһнә закан тавн хонг давад эдлврт орхмн. Эн закана шиидврәр һаза хог бог хайсн нульмсн улс засгла харһмн. Республиканск прокуратурин белдсн закаг олн хүүвин хурал батлж авв.

Эндр өдр ик сурһульд оржах көвүд күүкдт дор ормдан эмчнд бийән узүлх арһ учрв. Тер юнгад гихлә давсн амрллһна өдрмүдт хальмгин государственн университетин уул деер шишлн лаборать секгдсн бәәнә.

Давсн амрлһна өдрмүдт Элст балһснд болн танһчин цуг райодт экин сән өдр темдглглв. Эн байриг цуг әмтн дурлж темдглнә.

Элст балсһна 1-гч тойгта бичкдүдин көгжмин школын сурһульчнр һурвдгч нарт делкән «осенняя соната»нерәдлһтә маараһна дипломантр болв. Эн марһан Әәдрхн балһснд давв.

Сарпан района салын тугтун нертә селәнд Советск союзин героймуд Делгә Эрднь, Бадман Эренценд болн дәәнд орлцсн цуг салдсмудт нерәдгдсн мемориальн комплекс байрин бәәдлд секгдв.

Эн жилин хавраһар Яшкуль селәнә Батмаевин өрк бүлд ик зовлнг ирв.Арвн һурвн наста көвүн гертән бәәсн цагт ухаһан алдв. Түүнә хөөн һурвн дундур частан ухандан орлго болдьницд кевтв.

«Этнокультурная коннотация содержания образования» нерәдлһтә семинар Элст балсһнд болв. Эн семинарт орлцхар Яшалтан района дундын школын хальмг келнә багшнр орлцв. Эдн хоорндан дамшлтарн хувалцв.

Эндр өдр элст балсһнд мөнгнә пирамидын нааднд олн улс орлцна. Энүнә ашт кесг әмтн мөнгн угаһар үлдв.

Эндр өдрәс авн юридическ улс болн балһсна органиц көк түләнә кемжәг талданар өгх. Шин закана сольврар эдн шишлн прибор — счетчикүдәр кемжәһән өглго талдан эв арһ дамжулад өгч чаджана.

“Өдр болһна бүтәлин хуранһу” гидг дегтр барас һарсн бәәнә. Энүнд тод бичгәр бичәтә сурдмудт келгджәх, бурхна ном орулгдсн бәәнә. Ном хальмг болн орс келәр бичәтә.