Үвлин цаг өөрдж йовна. Танһчин малчнр үвләс әмд менд һархин төлә белдвр кежәнә. Өдр ирвәс тенгрин бәәдл сольгдад бәәнә, эн учрар кесг малчнр ясврин көдлмшән ода күртл дуусад уга.

Телевиденя нарта-делкән сән өдр эндр темдглгджәнә. Эн байрин өдр ООН-на Генеральн Ассамблеин селвгәр нег минһн йисн зун йирн доладгч жиләс авн темдглгджәнә.

Баһ наста Валентин Касанов болн Амаль Малхозов греко римск бөк бәрлдәнә марһанд цаһан болн күрл медаль шүүж авв.

“Хонх” нерәдлһтә бичкдүдин студин орлцачнр арвн жилин өөнән темдглжәнә. Эн жилмүдин эргцд эдн хальмгин хоорин медлд үүлдж йовна.

Хальмгин номтнр эндр әрәсән государственн сангин номтнрин фондт орлцж чадх. Эн сангин фондт номтрин кесг диссертац хаһлгджана. Ут тоодан долан зун минһн көдлмш бәәнә.

Эн жилд Аршань селәнә арвн тавдгч тойгта дундын школ тәвн жилин өөнән темдглжәнә. Тәвн жил хооран эн школ эклц школ болж үүлдлә.

Пенсионн сангин әнгд “Ипотечный субботник” нертә керг-үүлдвр болв. Энүнә көдлмшин йовудт ведомствин специалистнр экин мөнгәр бәәдг гер хулдж авлһна төрмүдәр күн болһнд цәәлһвр өгв.

Ноябрин һурвдгч нарн өдр хаалһд учрсн зеткртә йовдлын ашт әмнәсн хаһцсн улсин санлын нарта-делкән өдр темдглгднә. Хальмг танһчд эн өдр шишлнг керг-үүлдвр бүрдәгдв.

Эндр Хальмгин университетд шин лингафонн кабинет секгдв. Цифрин мультимедийн оборудованиг Китдин Өвр Монһлын автономн района олн-әмтнә правительств белглв. Ода кабинетд тәвн компьютер углж тәвгдв.

Эндр Элст балһсна хойр минһн арвн һурвдгч жилин бюджет түрүн умшлһнд батлж авгдв.

Октябрьск района тутрһчнр тутрһ хураж авлһна көдлмшән төгсәв. Давсн жиллә дүнцүлхлә эн жил тутрһин урһц сән болв. Дундлад гектар болһнас дөчн центнер хураж авгдв.

Элст балһснд правительствин герт Хальмг танһчин толһач Алексей Орлов журналистнрла пресс-конференц кев. Келхд, иим күүндвриг танһчин һардач жил болһн кенә. Эн жил һурвдгч конференц болв. Энүнд давжах жилин аш диглгднә.

Эндр призывникүдин цугәрәсән өдр. Нег минһн күн эн намрар Әрәсән цергт мордх. Эндр хотл балһсна Буревестник стадионд дунд эрдм-сурһулин завденьсин оютнрин төлә сурһулин болн дамшлтын керг-үүлдвр болх.

Нег минһн нәәмн зун арвн хойрдгч жилд Әрәсә Диилвр бәрсн хойр зун жилин өөнд нерәдгдсн керг-үүлдвр Хальмг танһчд болжана.

Эндр диабетла ноолда келһнә нарта-делкән өдр. Эн өдриг нег минһн йисн зун йирн негдгч жиләс авн темдглдг болв. Эн өдр Канадын номт Фредерик Бантинг төрсмн.