Өрән цаглань өгтн. Хальмгин зарһин приставмуд өртә күүнә автомобиль бичж авч. Эн күн банкд зун минһн арслнг өртә бәәж.

Тер саамд давн жилд соктуһар маши залж йовсн жолачнрас көлтә дөрвн күн әмнәсн хаһцв, кесг күн шавтв. Әрк-чаһр уудг улсин то жил ирвәс Әрәсәд, тер тоод Хальмг танһчд өсәд йовна.

Ода Хальмг танчһд ик тосхлт кегджәнә, олн давхрта гермүд бәргджәнә. Тегәд Росреестрин региональн заллтд көдлмшнь икдх. Давсн жилин эргцд жирн долан минһн темдглж бичлһнә үүлдвр күцәгдв. Эннь нурһлж иптекла залһлдата.

Шар харһан ө-шуһу модн кенд кергтәв? Дөчн жилд Элст балһсна эргндкг көк урһа модн кеерүлжәнә. Түрүн авгтан энд хойр гектар ө-шуһу модн бәәсмн. Ода модна то өсәд дөчн гектарт күрв.

Дигтә хойр жил хооран Әрәсәд зөв-йос харлһна шин орган — мөшклһнә комитет бүрдәгдсмн. Энүнә көдләчнр хамгин әәмшгтә кевәр болн жанһрта зака эвдсн йовдлмуд илткж шинжлх даалһврта.

Эндр Элст балһснд правительствин президиумин дарани сүүр болв. Хальмг танһчд урһа модна аһу хойр минһн гектарт күрх.

Тер мет эндр Алексей Орлов Якутин арһлачнрла харһад күүндв. Энүнд Городовиковск районд тосгхджах шовуна фабрикин туск төр хаһлгдв. Эн инвестиционн төсв күцәлһнә төлә цуг кергтә цаасн белн болв.

Элст балһсна көгшдүдин болн инвалидмудын гер-интернатд дарани хүрм болв. Энд бәәсн медәтә улс талдан улсла әдл нег-негән дурлад, өрк-бүлән тогтана.

Эндр Элст балһснд Әрәсән прокуратурин көдләчнрин сән өдрт нерәдгдсн байрин хург болв. Энүнд танһчин прокурор Сергей Табельский давсн жилин көдлмшин аш диглв.

Танһчин правительствин ахлач Игорь Зотов Приютненск районд көдлмшин кергәр одв. Тенд социальн ик чинртә обьектмуд тер тоод бичкдүдин сад, школ болн сойлын гер бүрткж хәләв.

Эндр Элст балһснд Әрәсән һучн хойр региона элчнр болн Әрәсән Президентин медлд үүлджәх арһлачнрин күцц зөвтә элч Борис Титов орлцата межрегиональн конференц болв. Энүнд танһчин толһач Алексей Орлов орлцв.

Элст балһсна сурһульч Арина Самаева нарта-делкән марһанд диилвр бәрв. Иим дөрлдәг Возрождение и надежда нертә буйнч седклин санг бүрдәж давулв. Энүнд орлцачнр олн-зүсн халхар билг-эрдмән үзүлж дөрлдв.

Шин жиләс авн Әрәсән Пенсионн сангин федеральн колл-цутхлнгин тойг сольгдв. Ода цуг төрмүдәр олн әмтн 8-800-510-55-55 телефоһар жиннүләд, кергтә цәәлһвр авч чадх.

Сүл өдрмүдт чилгр нарта өдрмүд тогтв. Иим кемд олн әмтн һаза һарад, цевр аһар киихдән дурта. Эн жил Элст балһснд Колонск боодгт конькиһар дошдг бәәрн бүрдәгдв.

Эндр Элст балһснд цугәрәсән олимпиадын һурвдгч региональн девснг эклв. Давсн жилин октябрь сард танһчин цуг школмудт хөрн предметар олимпиад эклсн билә. Көвүд-күүкд муниципальн болн танһчин шүүврин марһаст орлцв.