Хөр һар жил хооран “Улан туг” марһанд орлцсн Егориновихн шидр мана үүдәгч баг харһж күүндв
Хөр һар жил хооран “Улан Туг” телевизионн марһанд орлцсн Александр болн Надежда Егориновинә өрк-бүллә шидр мана үүдәгч баг харһж күүндв. Өдгә цагт эн өрк-бүл Ик-Буурл района цутхлнг селәнд бәәнә.
Хол 1986-гч жил. Дигтә тер жил «Улан туг» нертә телевизионн марһан бичгджәсмн. Тиигхд бидн көгжмин халхин делгрлтдән орж, олн-дунд тааслт олжасн кем билә — гиж Александр болн Надежда Егориновихн келнә. Тер цагт эфирт дуулгджасн «Даль великая» гидг дун Надежда Владимировна хамгин дурта дууна негнь. Герин эзн Александр Бадьминович болхла баянд көгжминь татдг. Баһ дүүвр сәәхн цаг билә гиж эдн ухан-тоолврарн хувалцн.
«Бийән тань» гидг тана зурцд мадниг үзүлсн дару олн таньл улс маднд жиннүлв. Тер цагт маднла хамдан эн керг-үүлдврт орлцж марһлдж йовсн улс чигн бас жиннүлв. Тер жилмүдт патриотическ дуд мадн икәр дуулдг биләвидн. Тегәд репертуартан орх дуудиг уданд йилһәд шүүж авдг биләвидн гиж Александр Бадьминович баһ-дүүвр цаган тодлна. Хөөннь эдн мана нер туурсн «Бамб цецг» ансамбльд орж көдләд, йоста профессионалмуд болсмн. Александр Егоринов тавн настадан түрүн болж һартан гармошк авсмн болдг арвтадан болхла баян татад, школдан давдг марһаст орлцад, диилвр бәрәд, балһсна плошадкст билг-эрдмән үзүлж йовсмн. Эн көгжмин эрдмиг шишлнг сурһуль угаһар, сонсад дасч авсмн.
Миниахд баян билә, би терүгинь хулхаһар авад дасдг биләв гиж Александр Егоринов ода толдна.
Тец цагас авн зөвәр олн жилмүд давв, болн Егориновихнә өрк-бүл ода күртл көгжмд, дуунд йир дурта. Өдгә цагт Александр Бадьминович района сойлын герин художествен һардачин үүл даажана. Тегәд районд давдг нег чигн керг-үүлдвр эднә орлцан угаһар давхш. Нег үлү Александр Егоринов сойлын герин ул деер залу улсин хо бүрдәсн бәәнә.
Селән һазрт бәәх улст кезәнә цагт хамдан цуглрад чеежин уудбвран һарһдг, күр-күүндврән тогтадг һазр селәнә сойлын гер болжана. Өдгә цагт залу улсиг хорд орлцулһна гидг амр керг биш гиж Александр Егоринов цааранднь келнә.
Мана күүкд-көвүд, ачнр-зеенр «Бийән тань» гидг телевизионн иөсвд мадниг таньж уга. Кезә нег цагт цокч авсн архивн кадрмуд мадниг хәрү хөрн жил хооран эргүләд, бас нег баһ-дүүвр цаган толдх арһ өгв гиж Александр болн Надежда Егориновихн келцхәнә.
Ээнән Ольга, Очра Сергей
