Әрәсән конституцин өдрт нерәдгдсн олн-әмтн орлцата акц цуг Әрәсәһәр давв
Әрәсән конституцин өдрт нерәдгдсн олн-әмтн орлцата акц цуг Әрәсәһәр давв.
Цуг орн-нутгар мет конституцин өдрлә ирлцүлж молодогвардейцнр күн болһна зөв-йосна тускар олнд бас нег цәәлж медүлж келв. «Молодая гвардия Единой России» нертә региональн әнгин шунмһа орлцачнр хотл Элст балһсна цутхлнгд акц давулв. Танһчин баһчуд эндр өдр орн-нутгин, региона иргчиг хувалцхдан белн бәәхән баһчуд медүлв. Энүнә тускар региональн штабин гешүн мария Кальдинова келв.
Орн-нутгин һол закан — конституцин өдрлә ирлцүлж балһсна хөрн баахн күн ил цаасан-паспортан авв. Амр Санана нертә дегтрин сангд давсн. "Бидн Әрәсән иргн» гидг акцин йовудт арвн дөрвн наснд күрсн күүкд-көвүдт ил цааснь байрин бәәдлд бәрүлж өггдв.
Эн керг-үүлдвриг танһчин баһчудин цутхлнг федеральн миграционн цутхлнгла хамдан давулв. Иим ке-сәәхн керг-үүлдвр хойр минһн нәәмдгч жиләс авн давулгддг болв. Тер цагас авн долан зу һар баһчуд ил цаасан иим бәәдлд авсн бәәнә.
Бевина Мергн, Хулхачин Николай
