Хальмгин университетд сурһуль сурч йовх африканск оютнр эн өдрмүдт шин жилин байрт белдвр кежәнә. Эднд хальмгин оютнр дөнгән күргжәнә.

Манһдур декабрин 28 — санлын өдр. Хальмг улсиг хар гөрәр цаажла харһулад, нег өдрин бийд тачкнсн киитнд Сиврүр туусиг альк насндан мартхв.

Киитн чанһрснас иштә цутхлнг котельнд эвдрлт учрв. Элст балсһна Горькийн болн Губаревичин нертә уульнцд бәәх әмтн киитн гермүдт ода күртл бәәнә. Өцклдүр цутхлнг котельн турва хаһрсн билә.

«Аавин Байруш 2012» нертә марһана сүл девснг эн өдрмүдт давв. Марһанд нәәмн настаһас авн арвн хойр нас күрсн бичкн күүкд орлцж төрскн хальмг келән, туужан яһж меддгән үзүлв.

Шин жилин болн Рождественск байрин өдрмүдт хальмг танһчин түүмр унтралһна көдләчнр региона һурвн зун обьектмүдиг түүмрәс гетлхмн. Дигтә эн өдрмүдт “Елк” нертә керг үүлдвр эклжәнә.

Элст балсһна Сергия Радонежского нер зүүжәх орс келн улсин гимназьд “Бичкдүдиг хазгудын зергләнд орулж авллһн” гидг керг үүлдв давв.

Мана телерадиокомпань бүрдәж давулжах “Бийән тань” нерәдлһтә төсв мана телехәләһәчнрин хамгин дурта проект болж һарчана. Өдр болһн мана редакцур кесг әмтн жиннүлнә. Эврәннь бичгүдән чигн авч ирнә.

Давсн амрллһна өдрмүдт диилврин талвнгд байрта керг үүлдвр болв. Зурһан шин техник танһчин школмудт йовулгдв.Эн школмудт давсн жиләс авн агроклассмуд көдлх.

Элстд сурһульчнрин секәтә олимпиад эклв. Энүнд эврә дурар ах классмудын көвүд-күүкд орлцж чаджана. Энүнә бүрдәһәчнр эрдм-сурһулин көдләчнрин дамшлт өөдлүлһнә таңһчин институт. Олимпиад 10 һар предмедмүдәр давулгдхмн.

Өцклдүр Әрәсән президент Владимир Путин журналистнрлә пресс-конференц давулв. Эн ик чинртә керг үүлдврт күсдүндур минһн әрәсән болн талын регионмудын хойр зун һар журналистнр орлцв.

Эндр өрүн хальмгин толһач Алексей Орлов эн жилин сүл координационн селвцәнә сүүр давулв. Эн сүүрт кесг хурц төрмүд хәләгдв.

Нарт-делкән мигрантнрин өдр темдглгдв. Минһн йисн зун йирдгч жилин декабрин арвн нәәмнд ООН-на Генеральн ассамблей күч-көлсч мигрантнрин болн эднә өрк-бүлмүдин зөв-йос харсгч нарт-делкән конвент батлсн болдг.

Элст балһснд Хальмг танһчар бәәх следственн заллтын зөв-йос эвдсн керг-үүлдврин йовудт мөшкллһ Келһнә әнгин һардачин дарук Владимир Катнановур дәврлһ кесн йовдл илткгдв.

Хальмг танһчд хойр минһн арвн һурвдгч жилин чилгч күртл салькар электрокүч орулдг арвн һурвн станц углж тәвгдхмн. Энүнә тускар эндр Калмэнергоком негдлтин директормудин советин ахлач Дмитрий Кирмелашвили зәнглв.

Хотл Элст балһсна концерт залын тәәз деер дару-дарунь соньн концертмуд, наадд тәвгддг болв. Эн өдрмүдт олн мана хәләһәчнр «Снежная королева» нертә мюзикл үзж чадв.