Кесг жилин туршарт хаһлгдад уга һазрин туск хурц төр ода хаһлгдв. Дагестана малчнрин медлд бәәсн зун йисн минһн гектар һазр Лаганск муниципальн бүрдәцин медлд өггдв.

Донормуд цус өгсн төләд мөнг өгшго. Энүнә тускар Әрәсән закан үүлдврт орв. Шин закаһар цус өгснә данцалһна мөнгн өггдшго.

СССР-ин спортын мастер Алтай Дорджиевин санлд нерәдгдсн марһанд танһчин бичкн зун бөк чидлән сөрв. Эдн арвн негн чиннүрин категорьт дииләчән йилһв.

Танһчин хамгин ик концертн залд ясврин көдлмш кех кергтә. Дөчн жилин туршарт энд капитальн ясвр кегдәд уга. Үвлин кемд артистнр киитн герт кесг частан репетиц кенә.

Эндр Хальмг танһчин толһач Алексей Орлов байрин бәәдлд эрүл-менд харлһна болн энергетикин халхсин көдләчнрт государственн болн ведомственн ачлврмуд бәрүлж өгв.

Эндр хальмг танһчин толһач Алексей Орловин кабинетд танһчин хаалһсин бәәдлин тускар тодрха күүндвр болв. Хаалһсин заллтсиг эзнә медлд орулһна төр тәвгджәнә. Селвлцәнд орлцсн әмтн эн төрәр ухан-тоолвран медүлв.

Хальмгин университетд оютнр эврә кергән секжәнә. Негдгч курсас авн баһчуд номин шинжлт кеһәд, хоршасн медрлән болн дамшлтан бичкн предприятьдан олзлжана. Эднә зәрмнь шишлнг иткүлин цаас авсн бәәнә.

Эн өдрмүдт танһчин нертә номт Иван Борисенко далн нас зүүх бәәсмн. Энүнә сурһульчнр, хамдан көдлж йовсн әмтн санлын асх бүрдәж давулв. Иван Борисенко туужин тускар нәәмн дегтр бичсмн.

Газин шарикуд болн байр бах үүдәдг газ. Сүл цагт баһчуд дунд хамгин икәр тархагджах наркотик дунд азотын закись нертә газ темдглх кергтә.

Дошкольн эрдм-сурһульлла залһлдата көдлмш кежәх арһлачнрт алвна болн талдан чигн льгот өгх селвг Хальмг танһчин Алексей Орлов орулж өгв. Иим улст танһчин һардвр болн государств дөн күргх.

Танһчин МВД-н коллегин өргн сүүр эндр Элст балһснд болв. Давсн жилд ик әәмшгтә кевәр зака эвдсн йовдлмудын то мана танһчд баһрв. Энүнд полицин көдләчнрин тәвц бәәнә.

Баснга Баатрин нертә Хальмг танһчин драмин театрин коллектив эн жил хойр шин наад белдв.

Январин нег шинәс авн бичкн магазин-ларекмудт пиив хулдшго закан һарв. Шин закан яһж күцәгджәхинь бүрткхин төлә мана үүдәгч баг полицин көдлчнрлә болн Элстин администрацин специалистнрла хамдан рейд кев.

Давсн жилин эргцд танһчин бюджетд алвна мөнгн һурвн зун тәвн сай арслнгд баһар орж ирв.

Дула олзлсн квитанц авчкад, элстихн икәр үүмәд бәәв. Коммунальн туслмжин мөнгнә кемжән январь сард кесг холванд икдв. Элстин дөрвдгч микрорайона бәәрн әмтн митингд һартн гиж дуудвр кежәнә.