30 января 2013, 14:43
Элст балһснд таксофонмуд уга болх
Удл уга Әрәсәд һаза бәәх цуг таксофонмуд суһлж авгдхмн. Әрәсән залһлдана болн олна коммуникацин министерствин цәәлһсәр, энүг ясж хәләхд дала мөнгн кергтә. Ода Элст балһснд зун арвн һурвн таксофон углж тәвгдсн бәәнә. Олн әмтн олар цуглрдг һазрт бәәх олн-зүсн өнгтә — улан, көк аппаратмудыг элстихн үзхш. Ода бәәрн улс эдниг олзлжахш. Юнгад гихлә, ода цугтан мобильн телефо олзлжана. Болв таксофоһар талдан балһсдт жиннүлж болх, бачм чинртә йовдл учрхла полицин көдләчнриг, МЧС-ин болн бачм чинртә медицинск церглтиг дуудж авч болх. Ода Элст балһснд бәәх цуг таксофонмуд эвдрв, сунһугнь таслж.
