Һазрин участкст кергтә залһлдан орулгдх

Иргч жилд олн үртә өрк-бүлмдүт өгсн һазрин участксин аһуд кергтә инженерн залһлдан тосхгдх. Энүнә тускар региона толһач Алексей Орлов танһчин правительствин сүүрт зәнглв. Эн көдлмшиг Элст балһсна өрк-бүлмүд ик кезәнәс авн күцәжәнә.

Танһчин нег минһ һар олн үртә өрк-бүл һазрин участк авв. Эднә зәрмнь герән тосхад, шин бүүрт нүүж орв. Талдан улс болхла тосхлтан төгсәһәд уга. Иим улс ода хурц төрмүдлә харһв. Участк авсн улсин келсәр, гермүдт хату девскртә хаалһ уга, усна сурвлжн орулгдад уга. Сөөднь харнһу болхла энд йовж болхш. Ода деерән электрокүчн, газ уга болв чигн, олн рүтә өрк-бүлмүд кергтә коммуникац оурлһан көдлмш тенкән уга гидгәр күләжнә. Хамгин һол төрнь — эдн эврә һазрта болв, энүнд гер тосхж чадх.

Ирина Дорджиеван келсәр, тосхлт кехд йир күнд болж одв. Авальтаһан хамдан арһ-чидләрн тосхжана. Альбина Дорджиеван келсәр, һазрин участк бәәнә. Шулун кеәвр герән тосәж авх кергтә. Ода кергтә залһлдан уга.

Эндр өдрт Элст балһсна администрацд һазрин учаск авхин төлә зурһан зур эрлһн олн-үртә өрк-бүлмүдәс орж ирв. Ода Элстин деед үзгин райодт болн Аршан поселкин өөр льгтон категорьта өрк-бүлмүдт һазрин учаскт йилһж өгх аһуд цуг кергтә документац специалистнр белджәнә.

Элстин администрацин әнгин ахлачин дарук Ульяна Кабакован келсәр, Элстин ар зүгт болн Аршан поселкд һазрин аһу йилһж өггдв. Энүнд инженерн халһлдан зуралгджана, әмтн амрдг һазр бәәх.

Һурвн болн энүнәс ик үртә өрк-бүлмүдт өгсн һазрин участкт цуг кергтә тоот күцәх керг-үүлдврмүдин зура темдглж авгдв. Элст балһснд иим һурвн һазрин аһу бәәнә, тер мет Троицкое, Яшкуль селәдт бас һазр йилһж өггджәнә. Эн жил кергтә проектн-сметн документац белдж авгдх. Хойр минһн арвн һурвдгч — хойр минһн арвн доладгч жилмүдт әмтн бәәг гермүд тосхлһна делгрлтин государственн программар иргч жилд зун негн сай арлснг йилһж өггдх, тер тоод тәвн сай арслнг танһчин бюджет һарһж өгхмн, үлдснь мөнгиг бәәрн бюджет даах зөвтә. Прогамм иргч жиләс авн экләд көдлх.

Танһчин тосхлтын министерствин әнгин ахлач Наталья Ошланован келсәр, Тосхлтын үн ода өрәл жува арлснг тогтажана. Инженерн залһлда кехин төлә государтсвенн программ үүлджәнә. Энүг тосхлтын министертсв белдв. Иргч жилд зу һар сай арслнг йилһж өггдх, арвн тавдгч жилд зун арвн нәәмн сай арлснг.

Олн үртә өрк-бүлмүдиг дөннхин туск седвәр танһчин правительствин сүүрт Хальмгин толһач Алексей Орлов орулж өгсмн. Энүнә тоолврар, эн көдлмшиг иргч жилин түрүн өрәлдкүцәх кергтә. Цуг ирлцнһү ведомствст энүг цаглань күцәх даалһвр өггдв. лайф Алексей Орловин келсәр, танһчин һардвр олн-рүтә өрк-бүлмүдт дөн болх зөвтә. Энүнә төлә шишлнг программ бәәнә. Ода нег минһн һазрин участк йилһж өггдв.

Региона толһачин орулж өгсн седвәриг депутатнр шинжлж хәләх зөвтә. Энүнд һарх һаруг иргч жилин бюджет хәләсн цагт тоод авхмн.

Ээнән Делгр, Хулхачин Николай, Максим Мятежный