Хальмгт намрар заһс бәрлһнә көдлмшт боомтг учрв
Тогтсн тенгрин бәәдләс көлтә Хальмг танһчд намрар заһс бәрлһн жанһрта болжана. Деед — ар үзгәс көдлжәх шүрүн салькнас көлтә, заһсчнр тенгст һарч чаджахш. Эн жил мана танһчд заһс бәрлһнәкемжән нег минһн тоннд икдв. Ут-тоодан заһсчнр зурһан минһн тонн заһс бәрж чадхмн.
Хойр долан хонгтан тенгст бәәсн бийнь, заһсн баһар бәргдв. Тегәд чигн заһсчнр икәр һунджана. Тенгрин бәәдл эднә зураг хамхлв.Заһс бәрдг усна аһуд сүл өдрмүдт деед-ар үзгәс догшн салькн көдлв. Иим таалд заһс бәрдг арһ уга. Аштнь засн тенгсәс хоосн ирв. Тегәд чигн интервью өгхдән дурлжахш. Арһлач Александр Беловин келсәр, октябрь сарин хойр долан хонгас бидн зун һурвн өдр көдлвидн. Зурһан өдр көдлсн угавидн, хойр өдр продукц оурлж авлавидн, хөөнь һурвн өдр салькн көдлв, өцклдүр заһс орулж авх кергтә болв.
Ода зуг нег сар — ноябрь сар үлдв болн декабрин арвн хонг бәәнә. Темдглсн зура күцәж болхий аль угай? Кемр тенгрин бәәдл сән болхла, зура күцәх арһ бәәнә. Ода Лаганя заһсчнр дорд үзгәс салькн көдлхинь күләжәнә. Тиигхләзаһсн ирх.Ода болхла бәәсинь бәрж авчана. Эн туст күнд бәәдл тогтв. Лаганск РМО-н ахлачин дарук Александр Малышевин келсәр, Хойр-уһрвн хонгин туршарт зуг далн-найн килограмм заһс бәрж авлавидн гиж заһсчнр зовлнгран хувалцна. Арһлач Александр Беловин келсәр, ода Хальмг танһчин медлд бәәх усна аһуһас һарад, астраханск областин аһу тал һарх санан бәәнә. Тенд заһсн бәәнә. Тенд бооца кеһәд, заһс хулдж авх кергтә. Нааран ав ирәд, көдләчнртән жалв өгх кергтә болжана.
Эн жил көдлмш сән үзмжтәболх гиж заһсчнр нәәлжәлә. Заһс бәрдг эдл-ахус продукцин кемжәикдүлхин сурв.Тиигхлә жалвин өрн данцагдх билә.Эн төрәр Лаганя әмтн давсн жилин ноябрь сард танһчин толһачла болсн харһлтд күүндвр кесн билә. Тиигхд Алексей Орлов эднд нөкд болхан медүлв. Хаврин кемд заһс бәрлһнәкем эклхин өмн зәрм төрмүдиг хаһлж чадв. Бәәрн заһсчнрин болн арһлачнрин хоорнд учрнс цүүгән төгсв. Дәкәд нег толад келхлә, заһс бәрлһнәхаврин кемин өмн өргнд эднә хооорнд зүткән болсмн. Заһс бәрлһнә кемжә өгдг улсиг продукцин үниг дегд баһрулв гиж заһсчнр гемшәв. Эдн хоорндан үгцәд иим үн тогтав гиж заһсчнр тоолжана. Энунәтускар эдн прокуратурт эрлһ бичв. Ода эн хурц төр хаһлгдвһнамрин кемд заһс бәрлһнә халхд тогстн күнд бәәдлд зуг тенгрин таал гемтә биш бәәдлтә. Энүнд талдан чигн учр бәәх кевтәһтер бийнь района һардачнр темдглсн зура күцәгдх гиж иткүлжәнә.
Чучян Валентина, Хулхачин Николай
