Сарпинск района Һоожур селәнд бәәх гер-интернатд дулан өггдв
Сарпинск района Һоожур селәнд бәәх психоневрологическ диспансерин герт дулан өгдв. Эндр өдр күртл хораст киитн болснас көлтә әмтн дулан хувцан өмсәд, дулан көнжләр бийән хучад унтдг бәәсмн.
Эн гер-интернатд бәәх улс эрк биш көдлх зөвтә. Болв турва ширдх кергиг күн болһн даалһшго. Владимир болхла эн көдлмшиг дуран өгч күцәжәнә. Даалһсн көдлмшән күцәх гиж эмчнр иткжәнә. Зуг олда күртл дула өгдг турва күцц ясгдад уга. Тегәд чигн нег герт дула ода күртл өггдәд уга. Эн туст дәкнәс күнд бәәдл тогтв. Зуг һаза дулан болад, эдн ода деерән даарчахш. Гер-интернатын директорин дарук Александр Жировин келсәр, ода хораст аһарин кемжән кергтә дигәс киитн болжана. Фельдшерин темдглсәр, энд бәәх әмтнд дулан шин көнжл өгвидн.
Ясврин көдлмш ора экләд иим бәәдл тогтв гиж һардачнр келнә. Зуг һурвн долан хонг хооран көдлмш эксмн. Темдглсн зураһар ясврин көдлмшиг зунын кемд кех зөвтә билә. Болв министерствас мөнгн цаглань ирсн уга. Александр Жировин келсәр, дула өгдг сурвлжиг эрк биш ясх кергтә билә. Кемр ясвр эс кехлә, дәкнәс үвлдән киитн болх билә.
Диспансерин һардачнр ода дула өгдг сурвлжна ясврин көдлмшиг эврәннь чидләрн кежәнә. Тер мет мөнг эдн эврән хәәж авчана. Александр Жировин келсәр, ода ясвриг эврәннь мөнгәр кежәнәвидн. Энд бәәсн улсла смөнг цуглулх кергтә болв. Эдн пенсясн мөнг өгнә.
Ясвр кехин төлә ик һару һарв. Ут-тоодан цуг көдлмш кехин төлә дөрвн зун минһн арслнг кергтә болв. Болв үвлин кемд эдн золвнг үзшго. Киитн цагт турва эвдрхлә йир күнд болна. Урднь систем эвдрәд, әмтн кесг цагтан киитн хораст бәәв. Эн жилин февраль сард дула өгдг системин хәәсн эвдрсн билә. Тиигхд олн әмтн царцад гемнв. Танһчин эрүл-менд харлһна министрин дарук Любовь Джексембекова болхла энд бәәсн әмтн талдан улсас хальдврта гемәр гемтв гиж келсн билә. Шин хәәсн дула өгчәнә гиж эн иткүлсн билә. ода болхла шин хәәсн ода күртл көдләд уга. Котельн оборудовань углж тәвсн предпряитьд цаглань мөнг эрүл-менд харлһна министерств өгсн уга бәәж. Тегәд эн предприять көдлмшән цаглань кеж чадсн уга. Александр Жировин келсәр, министерств мөнг цаглань өгнс уга. Ода фирмин көдләчнр нааран иржәхш. Министерствин һардачнриг зовах саната бәәдлтә. Министр Владимир Шовуновин келсәр, ода гер-интерантд дулан өггджәнә.
Чучян Валентина, Очра Сергей
