Лаганск района полицин көдләч Әрәсән марһанд мана танһчин нер харсх
«Олн-әмтнә участковый». Иим нерәдлһтәмарһан Әрәсәд эклв.Энүнд орлцх полицин участкин көдләчнр эврәннь эрдмин билгән үзүлхмн. Әрәсән әмтн интернетар тавн чинрәр хамгин сән полицин көдләчин төләдууһан өгч чадх. Хамгин сән полицин участкин көдләч гиигн машиһар мөрәлгдх. Хальмг танһчин нер эн марһанд полицин ах лейтенант Руслан Курмамбаев харсх.
Баба Маша участкин полицин көдләч ирхиг күләжәнә. Энүнәөмн өдр харһлт кехәр күүндж. Медәтәкүүкд күүг үүмүлжәх төр зуг энүг биш цуг улст кергтә. Мария Салиеван келсәр, эзнәүкрмүд селән дотр дурндан йовжана.Эдниг хәрүләх пастух олж авх кергтә.
Участкин полицин көдләчәс дөн сурснь бас учрта. Энүнд талдан һардачнрас икәр иткжәнә. Полицин шин инспектор ирснәхөөн селәнд төвкнүн болв. Сокту улс үзгджхш, аля-азд һарһдг әмтн төвкнв. Участкин полицин көдләч Руслан Курмамбаевин дөнгәр олн-зүсн социальн төрмүд хаһлгджана. Тегәд эзнә үкрмүд хәрүлх төр эрк биш хаһлгдх гиж медәтәкүн нәәлжәнә. Участкин полицейский Руслан Курмамбаевин келсәр, эрк биш эн төриг хаһлх кергтә.Селәнәулст дөн күргх зөвтәвидн.
Северное селән талдан селәдәс йилһрнә. Ке-сәәхн гермүд нүд барлулна, гермүдин эргнд цевр-цер. Болв урднь иим бәәдл уга бәәсмн. Руслан Курмамбаевин седвәрәр, селәнәәмтн хог-боган зөөж һарһв. Аштнь селәнәулс байрлв. Иим көдлмш кесндән Саид Инишев бас ханв. Эврәннь аца зөөдг машин бәәв чигн, кесг цагтан көдлмш уга хара бәәв.
Полицин көдләч Курмамбаевин тоолврар, социальн болн экономикин төрмүд хаһлхла, зака эвддг йовдлмудла ноолдхд амр болх. Дотр-дундын кергүдин әнгин һардачнрин келсәр, тавн жилдән церглсн цагт Курмамбаев нег чигн шоовдрла харһулгдсн уга.зака эвдсн цуг йовудлмуд илткнә. Нег үлү, эврәннь селәнә улс дунд зака эвдсн йовдл илткх кергтә болна. Руслан Курмамбаевин келсәр, күн болһн эврәннь һарһсн үүлән даах зөвтә. Кемр зака эвдсн болхла, эн күн засгла харһулгдх зөвтә.
Полицин эрдмиг Руслан эврән шүүж авла.Экиннь хаалһар йовх санан орв гиж эн келнә.Энүнәэк Джумай Муллаевна кесг жилдән мөшкәч болж көдлв. Одахн ачта амрлһнд һарв. Көвүһәрн бахмж кежәнәв гиж эн келнә. Санкт-Петербург балһснд МВД-н университет төгсәсн хөөн, төрскн Лаганск районд көдлхәр седв. Джумай Курмамбаеван келсәр, Руслан ухата көвүн. Ямаран чигн төрмүдт эврән хәрү хәәж авна.Зәрмдән көвүндән селвг өгнәв. Иим көвүһәр бахмж кеж болх гиж экнь келнә.
Цөн жилдән полицин халхар көдлжәсн бийнь, Руслан райондан ачлвр авсн көдләчнрин дунд нүүрт һарв.Әрәсән болн хальмг танһчин МВД-н күндлһнәһашгудар болн талдан чигн ачлрвмудар мөрәлгдв. Эрдмин хамгин сән көдләч гисн танһчин марһанд диилвр бәрв. Эн жилин ноябрь сард полицин ах лейтенант Руслан Курмамбаев Олн-әмтнә участковый нертәцугәрәсән марһанд орлцх зөв авсмн.
Чучян Валентина, Хулхачин Николай
