Танһчин толһачин медлд үүлджәх оютнрин хүүвин сүүр болв
Элст балһснд Хальмг танһчин толһачин медлд үүлджәх оютнрин хүүвин сүүр болв. Энүнд деед сурһулин болн дунд эрдмин заведеньсин оютнрин хүүвин ахлачнр, баһчудын организацсин элчнр орлцв. Сүүрт давжах жилин көдлмшин аш диглгдв. Тер мет иргч жилин үүлдврин зура батлж авгдв. Оютнрин хүүв — оютнрин олна негдлт болжана. Энүг сурһульчнрин седвәрәр бүрдәнә. Тегәд эврә залврин тогтац гиж тоолгдна.
Арвн нәәмн наста Константин Годаев Солнг нертәолна баһчудын организацин гешүн болжана. Эн организац оютнрин хүүвд оржана. Январь сард Константин Годаевиг хойр жилд Солнг командирт сунһв. Энүнә келсәр, Хар hазра районд сурчасн кемд Хар hазр нертәбичкдүдин коллективин ханьд орад, олна көдлмш күцәдг бәәсмн. Константин Годаевин келсәр, Элст балһснд ирәд, сурһульд орв. Солнг организацд орх санан билә. hурвн дөрвн жилдән энүнәханьд оржана. Баһчудын политикар көдлжәнәвидн. Солнг организац йир сән дөн болна, энүнд дурлж оржана.
Хальмг танһчин толһачин медлд бәәх оютнрин хүүв олн-зүсн керг-үүлдврмүд бүрдәж давулна, тер тоод сурһульчнрин төләдамшлтын сурһуль, цугәрәсән фестивальмуд, күцәмжин һәәхүлмүд бүрдәнә. Оютнрин хүүв эврәзалврта тогтац. Энүнәханьд сурһульчнр болн оютнр оржана. Эн жилин февраль сарас авн танһчин толһачин медлд бәәх оютнрин хүүвин ахлачд Антон Баранников шиидгдв. Хүүвин ахлач иргч жилин зуран тускар болн кеж-күцәсн көдлмшин аш диглв. Хальмг танһчин толһачин медлд үүлджәх оютнрин хүүвин ахлач Антон Баранниковин келсәр, эн жил олн-зүсн керг-үүлдврмүд бүрдәж давулгдв. Олн-зүсн фестивальмуд бүрдәгдв. деед сурһулин болн дунд эрдмин сурһулин хүүвин көдлмшт нөкд болх кергтә. Иргч жил шунмһа оютнрт мөнгнәмөрәбәрүлж өгхин тускар танһчин толһачд селвг орулж өгх зура бәәнә.
Танһчин толһачин медлд бәәх оютнрин хүүв Баһчудын ниицән нертәцугәрәсән олна организацин региональн элч болжана. Ода деерән хальмг танһчд эн жиәснд дегд дала күн оржахш. Тер бийнь жил ирвәс эднәто өсәд йовна.
Ээнән Делгр, Очра Сергей
