Элст балһснд сө хөрн һурвн часас хооран әрк-чаһр хулгддх зөв уга
Элст балһснд сө хөрн һурвн часас хооран әрк-чаһр хулдсна йовдл илткгдв. Дәкән нег тодлад келхлә, сөөһәр арвн тавн градусас үлү әрк-чаһр Хальмг танһчд хулдх зөв уга.
Эн баһ наста көвүнд әрк зака эвдәд хулдж. Асхн болн сөөднь хулдачнр иим баһчудт әрк -чаһр хулдад дасчкв. Нег үлү, бүрклһн кегджәсн кемд, баһчуд инспектормудын өөр эмәлго әрк хулдхинь сурв. Цөн жил хооран танһчин һардачнр әрк-чаһр насни дигт күрәд уга бичкдүт хулдшго зака батлж авх зөвтәбәәсмн. Болв иим зокал батлж авхла, әрк-чаһриг нуувчар хулддг йовдлмудын то өсәд йовна. Болв иим закан кергтә. Юнгад гихлә, зуг иим кевәр эрүл-дорул бәәдл жирһлин сурһмж өгч болх, баһчуд зака эвдсн йовдлмуд баһрх гисн ицл бәәнә. Элст балһсна мэрийн әнгин ахлачин дарук Вячеслав Баглеевин келсәр, эн йовдлар Элст балһсна дотр-дундын кергүдин заллт материал цуглулж авчана. Эн хулд кежәх магазид батлж авсн тогтавр эвджәнә. Эдн хөрн һурвн часас хөөн әрк-чаһр хулджана.
Шин закана неквриг зуг Элст балһснд хулд-кедг жирн предприять күцәх зөвтә. Бол волна хот-хоолын организацс иим зака күцәшго. Мэрийн специалистнрин темдглсәр, насни дигт күрәд уга бичкдүдт әрк хулдшго закан чик. Вячеслав Баглеевин келсәр, иим бүртклһнәкерг-үүлдврмүд эн жилин июль сарас авн күцәгджәнә. Энүнәашт хулдачнр сөөднь баһар әрк хулддг болв. Иим закан мел чик. МВД-н көдләчнрләхамдан иим бүртклһн кегджәхин тускар ода цуг арһлачнр меддг болв.
Минь одахн көдлмштән һарлав, иим закана туска сонсад угав гиж эн хулдач гөрдж һарв. Болв закана тускар эс медсн бийнь, иим улс засгла харһулгдх зөвтә. Ода магазина эзн һучн-дөчн минһн арслнг административн ялд унх. Тер мет ода эдн әрк-чаһр хулдшгон тускар шиидвр белдгджәнә.
Бевина Мергн, Очра Сергей
