Иргч жиләс авн мана танһчд һурвн болн энүнәс үлү үр өскжәх өрк-бүлмүдт 50000 экин региональн капитал өггдх

Иргч жилин январин нег шинәс авн хальмг танһчд шин закан үүлдх. Эн закаһар һурвн болн энүнәс үлү үр өскжәх өрк-бүлмүдт тәвн минһн арслнг экин региональн капитал өггдх. Эн мөнгиг хойр минһн арвн тавдгч жилин январин нег шин күртл бәәдг гер хулдж авхин төлә, гер бәрхин төлә һазрин участк авч, онц эдл-аху секлһнә, үрдүдән эмнүлһнә болн сурһуль өглһнә төлә олзлж болшго. Иим дөнцл мөнг йилһж өгхин төлә инвляц тоод авгдад ут-тоодан тәвн тавн сай арслнг һарх. Эн жил болхла олн үртә патьр авх чеерүдт зогсжах һурвн зун хөрн долан өрк-бүл өнгәр һазрин участк авсмн. Хальмг танһчин һазрин болн зөөрин хәрлцәнә төрәр үүлджәх министерствин иткүлсәр, ирх жилин январин нег шин күртл эн программд дәкәд долан зун дөчн хойр күн орлцж чадх.