Эн өдрмүдт хотл балһсна кинотеатрт “Елки-2” нертә кино үзүлгджәнә
Шин жилин байр елк угаһар давхш. Эндр өдрәс авн школмудт байрин нәр-наадн эклв. Бичкдүдиг сергмжтә байрла Киитн Аав болн энүнә ач күүкн йөрәжәнә.
Элстин улсин зәрмнь кинотеатрт шог наад хәләхдән дурта. Тер тоод эдн “Елки-2” нертә фильм ик кезәнәс авн күләв.Билет хулддг Екатерина Кобылкина эн кино үзссн бәәж. Иим фшин жилин байрин өмн өргнд дигтә хәлдг кино. Екатерина Кобылкина эн фильм дурлж хәләләв. Йир шигта инәдтә фильм бәәж. Талдан әмтн бас иигж келнә. Актермуд эврәннь дүрмүдән йир сәәнәр наачана. Иван Ургант, Сергей Светляков, Сергей БезрУков, Гоша Куценко.
Тер мет Талыковихна өрк-бүл бас эн шог наад хәләхәр шиидв.Давсн жилд кинотеатрт “Елки-1” нертә фильм хәләсн бәәж.Эднә келсәр, тиигхд иим кино үзәд икәр байрлв. Алексей Талыковин йир шогта наадн бәәж. Нидн жил өрк-бүләрн хәләж. Нег үлү, урдаснь реклам хәләһәд, эн жил бас хәләхәр шиидж.Эндр дигтә амрлһна өдр болад, цуг өрк-бүлтәһән одхар шиидв.
Саглр Эрдниева кинотетарт һанцхарн ирсн уга. Эн саамж нәәжтәһән ирв.Талдан нәәжнриннь селвгәр иим кино хәләв. Нәәжнриннь келсәр дурта актермудан үзәд, чеежин сергмж авч. Саглр бас иим тоолврта бәәнә. Саглр Эрдниеван келсәр, харм төрхд түрүн әнгинь хәләж уга. Негдгч әнгнь бас сән гиж талдан улс келнә. Шон нааднд йириндән дурта. Нег үлү иим нертә актермуд нааджана. Максим Талыковин келсәр, Иван Ургант йир сәәнәр дүрән наадв. Цугтан шогта артистнр цуглрж.
Эн өдр олн баһчуд кино үзхәр адһв. Оют Церн Васькаевин келсәр, “Елки” нертә кино йир сергмжтә учр-утхта. Энүг хәләсн улс инәнә, уульдг саам чигн учрна. Оютн Ванькаевин тоолврар, шин жилин өмн өргнд сән белг болв. Иим кино олн болхла сән болх. Лариса Талыкован темдглсәр, шин фильм хәләһәд, чееж сергв. Түрүн әнгин хәләснә хөөн, хойрдгч әнгин бас хәлән санан орв гиж Александра келнә.
Урднь иим фильм хәләсн улсин тоолврар шин кино туулля әдл, болв энүнд мана өдгә цагин тускар үнн кевәр келгджәнә. Тегәд “Елки-2” нертә фильм үүдәсн улст элстихн ик ханлт өргжәнә.
Чучян Валентина, Очра Сергей
