Мэрийн ахлач Николай Андреев Элст балhсна бәәрн әмтнлә харhв

Элстин хойрдгч школын эргнд бәәх әмтн бәәдг гермүдин төрмүд хотл балһсна мэрийн болн бәәрн улсин хоорнд болсн харһлтын йовудт хаһлгдв. Энүнд мэрийн ахлач Николай Андреев, хотл балһсна әнгсин һардачнр болн Элстин депутатнр хәрү өгв.

Любовь Маяцкая хойрдгч школд кесг жилдән көдлжәнә. Нег үлү, школын герин бәәршлжәнә. Тегәд эргндк уульнцсин төрмүд энүнд сәәнәр медгднә. Тегәд чигн Элстин мэрйин һардачнрла болсн харһлтд ирәд, энүг үүмүлжәх төрмдүдт хәрү авх санатаһар ирв. Хамгин түрүнд, эклц классин багш болад, школын герин эргнд әмтн йовдг хаалһсин туск болн сөөһәр болн өрүн эрт сурһульчнр школдан одсн кемд харнһу цагт һаза герл уга болжахин тускар сурв. Әмтн йовдг хаалһ му бәәдлд тусв. Бичкдүдт йовхд күнд болна. Эднә зәрмнь унад, хувцан будна, шав авна гисн сурвр Маяцкая өгв.

Элстин мэрйин ахлач Николай Андреев эн багшин сурврт хәрү өгхләрн иигж темдглв. Әмтн йовдг хаалһс усар тетклһнә системла залһлдата. Энүг оньдин ясх кергтә болна. Удл уга эн төр региональн халхар халһгдхмн. Үвлин цагт һарсн нүкмүдтә хаалһсиг удл уга хаврар ясх. Николай Андреевин келсәр, эн жил хотл балһсна хаалһс ясхин төлә зун дөчн сай арслнг йилһж өггдх. Тер мет эн мөнгәр гермүдин эргндк бас ясгдх. Любовь Маяцкая келсәр, иим харһлт олз-туста болна. Зәрм төрмүдт хәрү өггдсн уга. Тер бийнь ахлачнр Элстин улсла эврән ирәд харһжана.

Элстин деед үзгин района улсиг онц төрмүд бас үүмүлжәнә. Үлгүрнь, Ленина нертә уульнцар шуудтан автобус йовулх зура бәәнү аль угай. Ода зәрм маршрутын то баһрулснас көлтә олн әмтн кесг дәкж талдан автобуст күләх кергтә болна. Элстин һардачнр эн төриг оньгтан авад, чанһ бүртклһ кех саната. Тер мет эн харһлтын йовудт олн социальн дөнцл мөнг өглһнә болн спортивн плошадкс бәрлһнә төрмүдәр олн сурврмуд өггдв.

Татьяна Дмитриева, Бадмаран Владислав