Элст балһсна һардачнр олн улсла харһлтс кежәнә

Элст балһснд һурвдгч болн дөрвдгч микрорайодын бәәрн улсла хотл балсна һардачнр болн танһчин ахлачнр харһад күүндв. Энүнд ДЭЗ-ин болн залврин компаньсин элчнр орлцв. Харһлтын йовудт хаалһс болн гермүд яслһна. Шин гермүд бәрлһнә, газар, усар болн электрокүчәр тектлһнә. Хотл балһсна улст коммунальн туслжм күрглһнә болн талдан чигн төрмүдәр тодрха күүндвр болв.

Мэрийн көдлмшч баг болн бәәрн улсин хоорнд болсн хург классическ гимназин болн хөрн негдгч школд болв. Энд олн әмтн цуглрв. Эннь бас учрта. юнгад гихлә. һурвдгч болн дөрвдгч микрорайод хуучн микрорайод. тегәд энд олн улс бәәнә. Бичкдүд наадг плошадкст тосхлт кешго сурвр бәәрн улс суржана. Тер мет хуучн канализацин болн усна сурвлжна залһлда көндәх керг уга. Мэрйин администрацин толһач Николай Андреевин келсәр. иим шин залһлда бәрхин төлә мөнгн уга болад бәәв.

Харһлтын йовудт дәкәд нег хурц төрәр тодхра күүндвр болв. Давсн жилд элстихн дула олзлсна төлә хажһр кевәр мөнг өгч. Давсн жилд кесг улсиг меклсн бәәдлтә. Хойр дәкж дула олзлсна то өгдг счетчикүдиг хойр дәкж ирж хәләсмн. Мөнг цуглулж авла.

Эн төрәр энергетическ компаня генеральн директор Дмитрий Оглуздин цәәлһвр кев. Болв энүнә цәәлһвр олн улсиг ханһасн уга.

Оглуздина келсәр. давсн жилд олн улс иим ик мөнг өгснь бас учрта. Юнгад гихлә директорин цәәлһсәр. расходн шайб уга бәәж. дула өгдг турвс дулалгдж уга болн талдан чигн учр бәәж. “Буревестник” нертә залврин компаня генеральн директор Валерий Тягиновин келсәр. эн жилин январин нег шинәс авн үүлдджәх закаһар гермүдт бәәх счетчикудар мөнг өгх зөвтә.

Хургин йовудт цуг әмтн сурврмадан өгч чадв. Зәрм әмтн некврән цааснд бичәд орулж өгв. Иим харһлт кергтә гиж элстихн тоолжана. Иргч долан хонгт балсһна һардачнр харһлтан цаарандан кех.

Азыда Надежда, Жамбин Дмитрий