Элст балһснд сурһульчнрин дөрвдгч олимпиад эклв

Элст балһснд сурһульчнрин дөрвдгч олимпиад эклв. Эн жил болһн болдг марһанд дөрвн зу һар танһчин райодын болн хотл балһсна сурһульчнр орлцжана. Дөрлдәнә тускар тодрхаһар мана сюжетд келгджәнә.

Яшкульск олн халхта гимназин арвдгч классин сурһульч Намжл Онкорова иим киитн болсн бийнь, Элст балһснд олимпиадт орлцхар ирв. Давсн жилд призермудын тоод орсн уга. Тегәд эн жил обшествознание предметар медрлән сөрхәр ирв. Тегәд чигн предметин тускар медрл авсн деерән, талдан олн материал эн халхар умшв.

Намжл Онкорован келсәр, иим дөрлдәнд орлцхла, медрл гүн болна, эн жил призермудын тоод орх күцлтәһәр ирв.

Элст балһсна классическ гимназин арвн негдгч классин сурһульч Таһр Бюрчиев намжл Онкоровала әдл ЕГЭ-н өмн обшествознание предметар медрлән үзүлх саната. Таһр Бюрчиевин келсәр, олимпиадын даалһвр йир күнд болна, ЕГЭ-н шүүврт сән белдвр болх гиж Таһр темдглв.

Элст балһсна олн халхта гимназин йисдгч классин сурһульч Тимур Горяев болхла, олн жилдән олимпиадт орлцжана. Энүнә келсәр, хамгин икәр эсвин, физикин предметмүд таасгдна. Тер мет географин предметд бас онц оньг тусхажана. Тимур Горяевин келсәр, эн саамд балсһна дөрлдәнд танһчин марһанас даалвһр гиигн болв. Хальмгин товчлгч марһанд бас урднь орлцла. Иим даалһвр күцәхин төлә сәәнәр сурх кергтә.

Хальмг танһчин эрдм-сурһулин көдләчнрин мергжлт өөдлүлһнә институтын проректор Саната Типшинова келсәр, эн медрлин дөрлдәнд нурһлж урдк балһсна болн танһчин олимпиадт орлцад, сән үзмж бәрсн көвүд-күүкд ирв. Энүнә үгиг немж РИПКРО-н кафедрин ах багш Альбина Куберлинова иигж келв.

Һурвн өдр болад олимпиадын болн приезермудын нерд медгдх.

Ээнән Делгр, Бадмаран Владислав