Троицкое селәнд бичкдүд дав зуур садт оржана
Троицкое селәнд ээж-экнртәһән суусн бичкдүд дав зуур садт оржана.Энүнд бичкн көвүд-күүкдиг школд белджәнә. Троицкое селәнә зәрм районд экнр-ээжнр ачнр-зеенрән дахулад, иим киитн болв чигн, өрүн йисн часла сурһульд адһна.
Энд ода йоста садикин бәәдл һарв. Хувцан өлгдг шкаф, мебель болн наадһас бәәнә. Эн бичкдүд болхла йосн бичкдүдин садт орад уга. Ода селәнд садт орм күртжәхш. Тегәд бичкн көвүд-күүкдиг школд белдхин төлә, хар болзгт сурһмж өгдг багмуд бүрдәх шиидвр авгдв. Энүнд багшнр көвүд-күүкдлә өдртән һуврн частан көдлнә.
Тавн наста Ринат Бибаев, Витя Бамбылов болн Дима Ефремов талдан бичкдүдлә хамдан энд сурһуль цөн өдр дасад, нааран дурлж ирдг болв гиж эднә экнр-ээжнр келнә. Мария Бибаеван келсәр, иим сад йир таасгджана. Өрүн болюн бичкдүдән нааран авч ирнәвидн. Роза Шалдирова келсәр, иим сурһулин болзгнь икдүлхлә сән болх. Марианна Ефремован келсәр, түрүн авгтан һартан карандаш авч чаддго билә, ода болхла зурдг дасжана. Ахлачнрт ик ханлт өргжәнәв.
Өдгә цагт бичкдүдин садмуд баһ цагт района цутхлнг селәнә һардачнр иим кеәвр эн хурц төриг халһжана. Ода хойр багд арваһад бичкүдлә хойр багш болн нег сурһмжлачин нөкд көдлжәнә. Ода садт оржах бичкдүдиг халун хотар теткх төр хаһлгджана. Тер мет бичкдүд садт тавн частан бәәх төр хаһлгдх. Иим цагт көвүд-күүкд наадад, иргчдән иим хәрлцән эднд туста болх. Тер бийнь хаһлх төр дала. Целинн РМО-н администрацин эрдм-сурһулин заллтин ахлач Светлана Эрендженова келсәр, өдгә цагт дошкольн наста нег минһн долан зун далн бичкдүд бәәнә. Ода болхла тавн зун көвүд-күүкд чеерүдт садт орхар чеерүдт зогсжана.
Ода Троицкое селәнд шишлнг һурвн герт зурһан иим баг үүлджәнә. Энүнә төлә района администрац тавн зун минһн арслнг йилһж өгв. Тер мет федеральн бюджетас күсдундур сай арслнг ирв. Келхд, эннь нег бичкдүдт зурһан дундур минһн арлснг тогтажана. Ода болхла района һарадчнр эн хурц төриг күцц хаһлх саната. Целинн РМО-н толһач Виктор Джанджиевин келсәр, һурвн жилин эргцд дәкәд бичкдүдин сад секх зура бәәнә. Зәрминь хәрү эрдм-сурһулин медлд орулх, шин тосхлт бас кегдх. Эднә тосхлт апрель сард эклх гиж Джанджиев темглв.
Тиихлә эн төр хаһлгдх бәәдлтә.
Хавтхна Элла, Жамбин Дмитрий
