Пальмовин нертә музейд соньн һәәхүл эврәннь көдлмшән эклв

Элст балһснд Пальмовин нертә келн улсин музейд байрин бәәдлд “Светлый Праздник Христова Воскресенья” нерәдллһтә һәәхүл эврәннь көдлмшән эклв. Эн хәәһүлд ирсн улс Пасхин байрин болн Воскресения Христова цуг тоотс эврә нүдәрн үзж чадв.

«Светлый праздник Христова Воскресенья» нерәдллһтә һәәхүл түрүн болж Пальмовин нертә музейд олн улст үзүлгджәнә hәәхүлд хамгин үнтә «Сошествие Иисуса Христа в ад» нертә көшәг олн улс хәләхәр ирв. Эн көшәг Элстин болн Хальмгин епархиин даалһврар кегдсн билә.Эн әрүн көшә Курск областин Свето-Троицкой Братстве урн мастерскойд кегдсн билә.

Эн һәәхүлд ирсн олн улс орс келн улсин түүжла сәәнәр таньлджана. Олн улс хоорндан ни негн бәәх зөвтә, эн һәәхүл олн улсиг негдүлжәнә.

Эн һәәхүлин нег әнг Федор Калмыковин болн Алексей Егоровин «Снятие с креста» «Сыновья Израиля» «Ангел является Апостолу Петру в темнице» гисн үүдәлтд нерәдгжәнә. Дәкәд болхлаг энүнд нертә зүрачнрин көдлмшиг күн болһн үзж чаджана, үлгүрлхт зурач Иван Крамский «Христос в пустыне», Иван Репина «Воскрешение дочери Иаира» болн нань чигн ке сәәхн зургуд үзж болхмн.

Эн һәәхүлд дәкәд һурвн ботьта библия, хуучн келәр бичгдсн әрүн бичмр көдлмш, энүнд Чилгр болн Ик—Цоохра әәмгә улсин тохмин тускар олн материал хаһлгджана. Эн һәәәхүлин секлһнд багшнр эврәннь сурһльчнрла ирв, ик бичкн угад ке сәәхн эрәтә өндг таасгдв.

Бичкдүд алн болад цуг келсн тоотс сонсч бийдән шингәж авб. Хальмг танһчд бәәх олн келн улс хоорндан ни негн бәәх зөвтә гиж бичкдүд келв. Элстин болн хальмгин епископ зиновий һәәхүлд ирсн улсиг йөрәв, дәкәд һәәхүлд ирсн цуг бичкдүдт Пасхин байрин ке сәәхн эрәтә өндгн һартнь бәрүлж өгв.

Энән Делгр, Котина Валерий