Сурһульчнриг школд белдхд дегд үнтә болна
Август сард эк-эцкнрин хамгин үүмәтә цаг болна. Бичкдүдән школд белдхин төлә кесг цаг болн мөнгн кергтә. Элст балһсна улсин тоолврар, школд кергтә эд-тавр ода дегд үнтә. Тегәд эк-эцкнр эврәннь үрдүдән сурһулин шин жилд белдхин төлә ик мөнгнә һаруд унжана, кимд эд-тавр хулдж авхин төлә кесг цаг үрәнә. Элст балһсна тал дунд школьн яарм көдлжәнә. Энд цуг кергтә тоот бәәнә, тер тоод учебникүд болн хувц-хунр олар хулгджана. Энүнә үн бас олн-зүсн. Үлгүрнь, негдгч класст орх сурһульчнрин рюкзак дөрвн зун арслнг күрчәнә. Болв школын цуг кемжәнлә ирлцдг рюкзак болхла хойр дундур минһн арслнгар хулдж авч болх. Тер мет хувц-хунр бас үнтә. Эн туст хувцн ямаран эдәс уйгдснь бас тоод авгдна. Көвүн күүнә костюм дундлад күсдундур минһн арслнг күрх. Болв хамгин үнтәнь ода школын дегтрмүд. Эк-эцкнр нурһлж ода учебникүдиг базрт хулдж авхдан дурлжана.
